កម្រណាស់! លោក គីម ជុងអ៊ុន ស្រក់ទឹកភ្នែក ពេលមើលរូបសេនាប្រមុខ ដែលស្លាប់ទៅ

មេដឹកនាំកូរ៉េខាងជើងលោក គីម ជុងអ៊ុន បានស្រក់ទឹកភ្នែក នៅពេលមើលរូបថតជាច្រើសន្លឹករបស់លោក Hyon Chol-hae ដែលបានទទួលមរណភាពកាលពីខែឧសភា ។

លោក Hyon ដែលជាសេនាប្រមុខនៃកងទ័ពប្រជាជនកូរ៉េ និងជាទីប្រឹក្សាទូទៅនៃក្រសួងការពារជាតិបានទទួលមរណភាពនៅមន្ទីរពេទ្យក្នុងទីក្រុងព្យុងយ៉ាង ដោយសារជំងឺសរីរាង្គជាច្រើនកាលពីវេលាម៉ោង ៩ ព្រឹកកាលពីថ្ងៃទី ១៩ ខែឧសភា ក្នុងវ័យ ៨៧ ឆ្នាំ ។

ទន្ទឹមនោះលោក Hyon ក៏ជាមនុស្សជំនិតរបស់អតីតមេដឹកនាំកូរ៉េខាងជើងលោក គីម ជុងអ៊ីល និងបានបណ្ដុះបណ្ដាលលោក គីម ជុងអ៊ុន ឲ្យកាន់តំណែង និងដឹកនាំប្រទេសកូរ៉េខាងជើងនាពេលបច្ចុប្បន្ននេះផងដែរ ។

ចំណែកនៅក្នុងពិធីបុណ្យសពរបស់លោក Hyon ដែលបានធ្វើឡើងកាលពីថ្ងៃទី ២២ ខែឧសភា លោក គីម ក៏បានចូលរួម និងកាន់មឈូសរបស់សេនាប្រមុខរូបនេះដោយផ្ទាល់ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Yonhap

ចុចអាន ៖ ព្រមានមិនឲ្យបាញ់មីស៊ីល ពេលនេះ កូរ៉េខាងជើង ប្តូរមកបាញ់កាំភ្លើងធំម្តង (មានវីដេអូ)