អាមេរិក ឲ្យក្រុមហ៊ុនប្រេងទាំងអស់ រួមទាំងអង្គការ OPEC បង្កើនការផលិត ទប់តម្លៃពិភពលោក

រដ្ឋមន្ត្រីថាមពលអាមេរិកលោកស្រី Jennifer Granholm បាននិយាយកាលពីថ្ងៃអាទិត្យថា សហរដ្ឋអាមេរិកកំពុងអំពាវនាវដល់ក្រុមហ៊ុនផលិតប្រេង និងឧស្ម័នទាំងអស់ រួមទាំងអង្គការប្រទេសនាំចេញប្រេង (OPEC) ឲ្យបង្កើនទិន្នផលផលិតរបស់ពួកគេ ។

លោកស្រីរដ្ឋមន្ត្រីបានប្រាប់កម្មវិធី State of the Union show របស់ទូរទស្សន៍ CNN ថា “លោកប្រធានាធិបតី ចូ បៃដិន បានស្នើសុំឲ្យអ្នកផ្គត់ផ្គង់ទាំងអស់នៅជុំវិញពិភពលោកបង្កើនផលិតកម្មរបស់ពួកគេដើម្បីទប់ទល់នឹងការកើនឡើងនៃតម្លៃប្រេងសាំង” ។

លោកស្រី Granholm បាននិយាយថា លោក បៃដិន ក៏នឹងជួបផ្ទាល់ជាមួយព្រះអង្គម្ចាស់អារ៉ាប៊ីសាអូឌីត Mohammed bin Salman ផងដែរ ទោះបីជាគ្រួសាររាជវង្សអារ៉ាប៊ីសាអូឌីតត្រូវបានចោទប្រកាន់ថាពាក់ព័ន្ធក្នុងការសម្លាប់អ្នកកាសែត Jamal Khashoggi ក៏ដោយ ។

ជាចុងក្រោយលោកស្រី Granholm បញ្ជាក់ថា លោកស្រីក៏នឹងជួបជាមួយនាយកប្រតិបត្តិនៃក្រុមហ៊ុនប្រេង និងឧស្ម័នក្នុងសប្តាហ៍ខាងមុខនេះ ដើម្បីពិភាក្សាអំពីកង្វះសមត្ថភាពកែច្នៃនៅរោងចក្រចម្រាញ់ប្រេងរបស់សហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ពិចារណាដកពន្ធទំនិញមួយចំនួនរបស់ ចិន ដើម្បីបន្ថយអតិផរណា