ព័ត៌មានអន្ដរជាតិ
មេទ័ពហ្វាំងឡង់ ប្រកាសត្រៀមធ្វើសង្គ្រាមជាមួយ រុស្ស៊ី (មានវីដេអូ)
ប្រទេសហ្វាំងឡង់ បានព្រមានរុស្ស៊ីថា ខ្លួនត្រៀមរួចស្រេចក្នុងការធ្វើសង្រ្គាមជាមួយរុស្ស៊ី ខណៈពិភពលោកកំពុងភ័យខ្លាចថា សង្គ្រាមលោកលើកទី៣ អាចនឹងផ្ទុះឡើង។
ប្រមុខកងកម្លាំងប្រដាប់អាវុធហ្វាំងឡង់ លោកឧត្តមសេនីយ៍ Timo Kivinen បាននិយាយថា ប្រទេសរបស់លោក បានត្រៀមលក្ខណៈសម្រាប់ការវាយប្រហារពីប្រទេសរុស្ស៊ីអស់រយៈពេលជាច្រើនទសវត្សរ៍មកហើយ ហើយនឹងតស៊ូដល់ដង្ហើមចុងក្រោយ ប្រសិនបើរឿងនេះកើតឡើងមែននោះ។
លោក Kivinen បាននិយាយក្នុងបទសម្ភាសន៍មួយថា ប្រទេស Nordic មួយនេះ បានបង្កើតឃ្លាំងអាវុធដ៏ច្រើន ប៉ុន្តែក្រៅពីផ្នែកយោធា កត្តាសំខាន់មួយគឺថា ប្រជាជនហ្វាំងឡង់ ក៏បានលើកទឹកចិត្តឲ្យប្រយុទ្ធដែរ។
“យើងបានបង្កើតប្រព័ន្ធការពារយោធារបស់យើងយ៉ាងជាក់លាក់ សម្រាប់ប្រភេទនៃសង្រ្គាមដែលកំពុងផ្ទុះនៅអ៊ុយក្រែន ជាមួយនឹងការប្រើប្រាស់កម្លាំងអាវុធ កងកម្លាំងពាសដែក និងកងកម្លាំងអាកាសផងដែរ។ អ៊ុយក្រែនជាប្រទេសដែលរុស្ស៊ី ពិបាកវាយ ដូច្នេះគោលដៅបន្ទាប់ គឺនឹងជាប្រទេសហ្វាំងឡង់”។
គួរបញ្ជាក់ថា ប្រទេសហ្វាំងឡង់ បានធ្វើសង្រ្គាមពីរលើកក្នុងទស្សវត្សរ៍ឆ្នាំ ១៩៤០ ប្រឆាំងនឹងអ្នកជិតខាងភាគខាងកើតរបស់ខ្លួន ដែលមានព្រំដែន ១៣០០ គីឡូម៉ែត្រ។
ចាប់តាំងពីសង្គ្រាមលោកលើកទីពីរមក ទីក្រុង ហែលស៊ិនគី បានរក្សាការត្រៀមលក្ខណៈយោធាក្នុងកម្រិតខ្ពស់ជានិច្ច។
ប្រជាជនហ្វាំងឡង់ប្រហែល ១០០ ០០០ នាក់ ត្រូវបានសម្លាប់ក្នុងអំឡុងសង្រ្គាមពីរលើក ដែលហ្វាំងឡង់ប្រយុទ្ធជាមួយសហភាពសូវៀត ហើយខ្លួនបានបាត់បង់ទឹកដីមួយភាគដប់។
ប្រទេសដែលមានប្រជាជន ៥.៥ លាននាក់មួយនេះ មានកម្លាំងទាហានក្នុងសម័យសង្រ្គាមប្រហែល ២៨០ ០០០នាក់ ខណៈ ៨៧០ ០០០នាក់ត្រូវបានបណ្តុះបណ្តាលជាទាហានបម្រុង។
ហ្វាំងឡង់ មិនបានលប់ចោលការរើសទាហាន ដូចប្រទេសលោកខាងលិចទេ បន្ទាប់ពីការបញ្ចប់សង្រ្គាមត្រជាក់មក៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ឧត្តមសេនីយ៍រុស្ស៊ី ជំរុញឲ្យលោក ពូទីន បញ្ជូនអាវុធនុយក្លេអ៊ែរទៅ Kaliningrad
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ