ព័ត៌មានអន្ដរជាតិ

ណាតូ យកសង្គ្រាមនៅ អ៊ុយក្រែន ផ្លាស់ប្ដូរយុទ្ធសាស្រ្តដឹកនាំរៀងរាល់ ១០ ឆ្នាំម្ដង

បានផុស

២ years មុន

នៅ

ថ្ងៃអង្គារ ២៨ មិថុនា ២០២២

ដោយ

មេដឹកនាំអង្គការណាតូកំពុងពិនិត្យមើលទៅលើសង្រ្គាមនៅអ៊ុយក្រែនដើម្បីផ្លាស់ប្តូរយុទ្ធសាស្ត្ររបស់ពួកគេ ជាពិសេសយកបញ្ហានេះដាក់ក្នុងការរៀបចំសម្រាប់កិច្ចប្រជុំកំពូលនៅទីក្រុង Madrid នៅថ្ងៃពុធ និងថ្ងៃព្រហស្បតិ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំនៃសម្ព័ន្ធភាពបានបង្កើតគំនិតយុទ្ធសាស្ត្ររៀងរាល់ ១០ ឆ្នាំម្តង ចាប់តាំងពីការបញ្ចប់សង្គ្រាមត្រជាក់ បន្ទាប់ពីយុទ្ធសាស្ត្រចុងក្រោយបំផុតត្រូវបានអនុម័តនៅកិច្ចប្រជុំកំពូលទីក្រុង Lisbon ក្នុងឆ្នាំ ២០១០ ខណៈក្រុមប្រទេសបច្ចុប្បន្ននឹងចុះហត្ថលេខាលើកិច្ចព្រមព្រៀងថ្មីមួយក្នុងទីក្រុង Madrid ដែលនឹងដឹកនាំពួកគេសម្រាប់ការផ្លាស់ប្ដូរយុទ្ធសាស្ត្ររយៈពេល ១០ ឆ្នាំខាងមុខ ។

ទន្ទឹមនោះអគ្គលេខាធិការអង្គការណាតូលោក Jens Stoltenberg បាននិយាយថា កិច្ចព្រមព្រៀងនេះនឹងលែងពណ៌នារុស្ស៊ីជាដៃគូយុទ្ធសាស្ត្រទៀតហើយ ហើយសម្ព័ន្ធមិត្តរបស់យើងចាត់ទុករុស្ស៊ីថាជាការគំរាមកំហែងដ៏សំខាន់បំផុត និងដោយផ្ទាល់ចំពោះសន្តិសុខរបស់យើង ។

ស្របពេលជាមួយគ្នានេះ អង្គការណាតូក៏នឹងបង្កើនចំនួនកងកម្លាំងប្រុងជើងការខ្ពស់ពី ៤០,០០០ នាក់ទៅដល់ ៣០០,០០០ នាក់ដែលជាការកែកុនធំបំផុតចំពោះផ្នែកការពាររបស់សម្ព័ន្ធភាពនេះ ចាប់តាំងពីសង្គ្រាមត្រជាក់មក ។

គួរបញ្ជាក់ថា គំនិតយុទ្ធសាស្ត្រនេះនឹងដោះស្រាយបញ្ហាប្រឈមផ្នែកសន្តិសុខដែលបង្កឡើងដោយប្រទេសចិន ហើយក៏ជាលើកដំបូងដែលមេដឹកនាំណាតូបានអញ្ជើញប្រមុខជប៉ុន កូរ៉េខាងត្បូង អូស្ត្រាលី និងនូវែលសេឡង់ឲ្យចូលរួមក្នុងកិច្ចចរចានេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តំបន់ Kaliningrad ក្លាយជាចំណុចវិបត្តិថ្មីរវាងរុស្ស៊ី និងលោកខាងលិច