ព័ត៌មានអន្ដរជាតិ
រុស្ស៊ី ព្រមានប្រទេសចង់បានតំបន់ Kaliningrad ប្រយ័ត្នម៉ត់ដូចក្នុងម៉ាស៊ីន កិនសាច់
អនុប្រធានទីមួយនៃគណៈកម្មាធិការក្រុមប្រឹក្សាសហព័ន្ធទទួលបន្ទុកកិច្ចការបរទេសរុស្ស៊ីលោក Vladimir Dzhabarov បាននិយាយថា រុស្ស៊ីនឹងមិនបោះបង់តំបន់ Kaliningrad នោះទេ ហើយព្រមានប្រទេសលីទុយអានី និងប៉ូឡូញឲ្យដកឃ្លាពីប៉ុនប៉ងនេះ ។
ទន្ទឹមនោះលោកក៏បានជំរុញឲ្យប្រទេសលីទុយអានី និងប៉ូឡូញគិតហើយគិតទៀតពីការចង់បានតំបន់ Kaliningrad ព្រោះវាអាចនាំឲ្យមានការប្រឈមមុខដាក់គ្នាផ្នែកយោធា ហើយបើកើតឡើងមែននោះ ពួកគេនឹងឃើញខ្លួនឯងម៉ត់ដូចក្នុងម៉ាស៊ីនកិនសាច់ ។
លោក Dzhabarov បានសរសេរលើបណ្ដាញ Telegram ថា “រុស្ស៊ីគ្មានពាក្យឡើយថានឹងមិនបោះបង់ទឹកដីរបស់ខ្លួននោះ ។ អ្នកនយោបាយដែលសញ្ជឹងគិតអំពីសក្តានុពលនៃការដណ្តើមកាន់កាប់តំបន់ Kaliningrad គួរតែដឹងហើយថា អាចនាំឲ្យមានការប្រឈមមុខដាក់គ្នាខាងយោធាជាមួយរុស្ស៊ី” ។
លោក Dzhabarov ក៏បាននិយាយដែរថា ចំណែកដំណោះស្រាយការទូតចំពោះការដឹកជញ្ជូនទំនិញទៅកាន់តំបន់ Kaliningrad នៅតែអាចដំណើរការ ។
គួរបញ្ជាក់ថា នៅថ្ងៃទី ១៨ ខែមិថុនា ប្រទេសលីទុយអានីបានរារាំងរុស្ស៊ីសម្រាប់ការដឹកជញ្ជូនទំនិញមួយចំនួនដែលស្ថិតក្នុងបញ្ជីទណ្ឌកម្មរបស់សហភាពអឺរ៉ុបទៅកាន់តំបន់ Kaliningrad តាមរយៈទឹកដីរបស់ខ្លួន ជាហេតុនាំឲ្យប្រទេសរុស្ស៊ី និងលោកខាងលិចប្រឈមមុខដាក់គ្នាម្តងទៀត ។
ពាក់ព័ន្ធនឹងបញ្ហានេះដែរ ក្រសួងការបរទេសរុស្ស៊ី និងវិមានក្រឹមឡាំងបាននិយាយម្តងហើយម្តងទៀតថា សកម្មភាពរបស់លីទុយអានីគឺខុសច្បាប់ ហើយវាក៏ជាដំណើរការផ្ទុយទៅនឹងកិច្ចព្រមព្រៀងអន្តរជាតិផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ តំបន់ Kaliningrad ក្លាយជាចំណុចវិបត្តិថ្មីរវាងរុស្ស៊ី និងលោកខាងលិច
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore