Connect with us

ព័ត៌មានអន្ដរជាតិ

កូរ៉េ​ខាងជើង​ ​ថា ​កិច្ចព្រមព្រៀង ​អាមេរិក​-​កូរ៉េ​ខាងត្បូង​-​ជប៉ុន​ គឺជា​ផែនការ​របស់ក្រុង វ៉ាស៊ីនតោន ​សម្រាប់​ណាតូ​អាស៊ី​

បានផុស

នៅ

ប្រទេសកូរ៉េខាងជើង បានរិះគន់កិច្ចព្រមព្រៀងនាពេលថ្មីៗនេះរបស់សហរដ្ឋអាមេរិក កូរ៉េខាងត្បូង និងជប៉ុន ស្តីពីការពង្រឹងកិច្ចសហប្រតិបត្តិការយោធា ថាជាមធ្យោបាយមួយដើម្បីសម្រេចបាននូវផែនការរបស់សហរដ្ឋអាមេរិក សម្រាប់សម្ព័ន្ធភាពយោធាដូចជាអង្គការណាតូនៅក្នុងតំបន់។

ទីភ្នាក់ងារសារព័ត៌មានរដ្ឋបានរាយការណ៍នៅថ្ងៃអាទិត្យទី០៣ខែកក្កដានេះ ខណៈអ្នកនាំពាក្យក្រសួងការបរទេសកូរ៉េខាងជើង បានឆ្លើយតបយ៉ាងច្រើនចំពោះសំណួរដែលដាក់ដោយ KCNA។

អ្នកនាំពាក្យនិយាយថា “ការពិតបានបង្ហាញយ៉ាងច្បាស់ថា គោលបំណងពិតប្រាកដរបស់សហរដ្ឋអាមេរិកដែលផ្សព្វផ្សាយពាក្យចចាមអារ៉ាមអំពី ការគំរាមកំហែងពីកូរ៉េខាងជើង គឺជាលេសដើម្បីទទួលបានឧត្តមភាពយោធានៅក្នុងតំបន់អាស៊ីប៉ាស៊ីហ្វិក”។

អ្នកនាំពាក្យដដែលបន្ថែមថា “ស្ថានការណ៍ដែលកំពុងកើតមាន គឺអំពាវនាវឲ្យមានការកសាងការការពាររបស់ប្រទេស ដើម្បីទប់ទល់យ៉ាងសកម្មជាមួយនឹងការធ្វើឲ្យកាន់តែធ្ងន់ធ្ងរនៃបរិយាកាសសន្តិសុខ”។

មេដឹកនាំសហរដ្ឋអាមេរិក កូរ៉េខាងត្បូង និងជប៉ុន បានជួបគ្នាក្រៅកិច្ចប្រជុំកំពូលរបស់អង្គការណាតូកាលពីសប្តាហ៍មុន ហើយបានយល់ព្រមស្វែងរកមធ្យោបាយបន្ថែមទៀត ដើម្បីពង្រឹង ការរារាំង ប្រឆាំងនឹងកូរ៉េខាងជើង៕

ប្រែសម្រួល៖ Vann Vann

ប្រភព៖ Reuters

ចុចអាន៖ កូរ៉េខាងជើង ចោទអាមេរិក ថា កំពុងបង្កើត ណាតូអាស៊ី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម