ព័ត៌មានអន្ដរជាតិ

អ៊ុយក្រែន ថា ណាតូ នៅតែបើកទ្វារចំហសម្រាប់សមាជិកភាពទីក្រុងកៀវ

បានផុស

១ សប្តាហ៍ មុន

នៅ

ថ្ងៃអង្គារ ៥ កក្កដា ២០២២

ដោយ

រដ្ឋមន្ត្រីការបរទេសរបស់អ៊ុយក្រែនលោក Dmytro Kuleba បាននិយាយកាលពីថ្ងៃចន្ទថា អង្គការណាតូនឹងមិនផ្លាស់ប្តូរជំហររបស់ខ្លួនលើសមាជិកភាពរបស់អ៊ុយក្រែននាពេលខាងមុខនេះនោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kuleba បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយ Levyy Bereg ថា “ខ្ញុំមិនឃើញលក្ខខណ្ឌជាមុនណាមួយសម្រាប់ណាតូក្នុងការផ្លាស់ប្តូរគោលនយោបាយជាក់ស្តែងលើសមាជិកភាពរបស់អ៊ុយក្រែននោះទេ” ។

លោករដ្ឋមន្ត្រីរំពឹងថា “ណាតូនឹងបន្តការបញ្ជាក់នាពេលអនាគតដ៏ខ្លីថា ទ្វារនៅតែបើកចំហសម្រាប់អ៊ុយក្រែន ហើយការសម្រេចចិត្តនៃកិច្ចប្រជុំកំពូលទីក្រុង Bucharest ក៏ដូចជាផ្លូវនៃការធ្វើសមាហរណកម្ម អឺរ៉ុប-អាត្លង់ទិក នៅតែអាចទៅរួច” ។

នៅខែធ្នូ ឆ្នាំ ២០១៤ សភា Verkhovna Rada នៃប្រទេសអ៊ុយក្រែនបានធ្វើវិសោធនកម្មច្បាប់ចំនួន ២ ដោយបោះបង់ចោលស្ថានភាពមិនចូលបក្សសម្ព័ន្ធ ហើយកាលពីខែកុម្ភៈ ឆ្នាំ ២០១៩ សភាអ៊ុយក្រែនបានអនុម័តវិសោធនកម្មរដ្ឋធម្មនុញ្ញដែលជាសញ្ញានៃការប្តេជ្ញាចិត្តរបស់ប្រទេសក្នុងការធ្វើសមាហរណកម្មទៅក្នុងសហភាពអឺរ៉ុប និងអង្គការណាតូ ។

ទន្ទឹមនោះមន្ត្រីក្រុងវ៉ាស៊ីនតោនបាននិយាយថា លទ្ធភាពនៃការចូលរបស់អ៊ុយក្រែនទៅក្នុងអង្គការណាតូមិនត្រូវបានពិចារណាក្នុងដំណាក់កាលនេះនោះទេ ប៉ុន្តែសម្ព័ន្ធភាពក៏នឹងមិនបោះបង់ចោលគោលនយោបាយបើកចំហនេះដែរ ហើយក៏មិនបដិសេធដែរអំពីលទ្ធភាពរបស់ទីក្រុងកៀវដែលអាចនឹងចូលរួមជាមួយណាតូនាពេលអនាគតនោះ ៕