ប្រមុខ CIA បញ្ជាក់ពីសុខភាពរបស់លោក ពូទីន មិនដូច ពាក្យចចាមអារ៉ាម

ប្រមុខ CIA បាននិយាយថា លោក វ្ល៉ាឌីមៀរ ពូទីន ប្រហែលជាមានសុខភាពល្អ មិនដូចពាក្យចចាមអារ៉ាមដែលថា ប្រធានាធិបតីរុស្ស៊ីរូបនេះ កំពុងឈឺធ្ងន់ ដូចជាជំងឺមហារីក នោះទេ។

នៅក្នុងការបង្ហាញខ្លួនជាសាធារណៈដ៏កម្រ លោក William Burns ក៏បាននិយាយដែរថា មេដឹកនាំរុស្ស៊ី មានភាពខុសឆ្គងដែលជឿថា គាត់អាចឈ្នះសង្រ្គាមបង្ហូរឈាមប្រឆាំងនឹងអ៊ុយក្រែន ដូចដែលគាត់ធ្លាប់សន្មត់ខុសដែរថា កងកម្លាំងរបស់គាត់អាចដណ្តើមយកទីក្រុង កៀវ បានក្នុងរយៈពេលពីរបីថ្ងៃដំបូង នៃការវាយលុក។

នៅពេលត្រូវបានគេសួរថាតើគាត់គិតថា លោក ពូទីន ពិតជាមិនមានសុខភាពល្អមែនទេ? លោក Burns ឆ្លើយតបថា “តាមដែលយើងអាចប្រាប់បានគឺថា គាត់ប្រហែលជាមានសុខភាពល្អ។ នេះគឺជាការវិនិច្ឆ័យស៊ើបការណ៍សម្ងាត់ក្រៅផ្លូវការ”។

ប្រមុខ CIA ដែលជាអតីតឯកអគ្គរដ្ឋទូតសហរដ្ឋអាមេរិកប្រចាំនៅទីក្រុងមូស្គូ បានឃ្លាំមើល និងទាក់ទងជាមួយលោក ពូទីន អស់រយៈពេលជាងពីរទសវត្សរ៍មកហើយ។

លោក​​និយាយ​ថា លោក​ប្រធានាធិបតី​ជឿជាក់​ថា ​ជោគវាសនា​របស់​គាត់​គឺ ​ដើម្បី​ស្ដារ​រុស្ស៊ី​ជា​មហាអំណាច។ ចំណុចសំខាន់គឺ ការគ្រប់គ្រងអ៊ុយក្រែន៕

ប្រែសម្រួល៖ Vann Vann

ប្រភព៖ SKY

ចុចអាន៖ លោក Putin ថា អ៊ុយក្រែន គ្មានបំណងបំពេញតាមលក្ខខណ្ឌ នៃកិច្ចព្រមព្រៀងសន្តិភាពបឋមទេ