Connect with us

ព័ត៌មានអន្ដរជាតិ

ចិន ៖ អាមេរិក គួរតែបង្កើតលក្ខខណ្ឌចរចាវិបត្តិនៅ អ៊ុយក្រែន គ្រាន់ជាងចាត់ទុក រុស្ស៊ី ជារដ្ឋឧបត្ថម្ភអំពើភេរវកម្ម

បានផុស

នៅ

អ្នកនាំពាក្យក្រសួងការបរទេសចិនលោក Zhao Lijian បាននិយាយកាលពីថ្ងៃចន្ទថា សហរដ្ឋអាមេរិកគួរតែចូលរួមក្នុងការបង្កើតលក្ខខណ្ឌអំណោយផលបន្ថែមទៀតសម្រាប់កិច្ចចរចារវាងទីក្រុងមូស្គូ និងទីក្រុងកៀវ ជាជាងចាត់ទុកប្រទេសរុស្ស៊ីជារដ្ឋឧបត្ថម្ភរដ្ឋអំពើភេរវកម្ម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zhao បាននិយាយ នៅពេលពិភាក្សាអំពីរបាយការណ៍ដែលសហរដ្ឋអាមេរិកចាត់ទុករុស្ស៊ីជារដ្ឋឧបត្ថម្ភអំពើភេរវកម្មថា “សហរដ្ឋអាមេរិកគួរតែបង្កើតបរិយាកាសវិជ្ជមានសម្រាប់ការចរចាររវាងរុស្ស៊ី និងអ៊ុយក្រែន ហើយខិតខំប្រឹងប្រែងបន្ថែមទៀតដើម្បីលើកកម្ពស់ដំណោះស្រាយនយោបាយ” ។

អ្នកនាំពាក្យរូបនេះបានបន្ថែមថា សហរដ្ឋអាមេរិកខុសពីចិន ខណៈកន្លងមកទីក្រុងប៉េកាំងតែងតែអំពាវនាវឲ្យមានការសន្ទនាគ្នាដើម្បីដោះស្រាយវិបត្តិអ៊ុយក្រែន ។

ទន្ទឹមនោះការលើកឡើងរបស់លោក Zhao កើតឡើងតែប៉ុន្មានថ្ងៃប៉ុណ្ណោះ បន្ទាប់ពីសេតវិមានបានប្រកាសថា សហរដ្ឋអាមេរិកនឹងបញ្ជូនជំនួយផ្នែកសន្តិសុខក្នុងទំហំទឹកប្រាក់ ២៧០ លានដុល្លារបន្ថែមទៀតដល់អ៊ុយក្រែន ខណៈក្នុងកញ្ចប់នេះនឹងរួមមានទាំង ប្រព័ន្ធរ៉ុកកែតរយៈចម្ងាយមធ្យម ក៏ដូចជាយន្តហោះគ្មានមនុស្សបើកយុទ្ធសាស្ត្រផងដែរ ។

កញ្ចប់ថ្មីនេះ រួមមានទាំងប្រព័ន្ធរ៉ុកកែត HIMARS ហើយនឹងអនុញ្ញាតឲ្យទីក្រុងកៀវទទួលបានយន្តហោះគ្មានមនុស្សបើក Phoenix Ghost រហូតដល់ទៅ ៥៨០ គ្រឿង ខណៈអាវុធទាំងពីរនេះសុទ្ធតែជាប្រព័ន្ធអាវុធដ៏សំខាន់នឹងធ្វើឲ្យអ៊ុយក្រែនបន្តក្នុងការប្រយុទ្ធ ថ្វីបើកាំភ្លើងធំរបស់រុស្ស៊ីមានថាមពលខ្លាំងជាងក៏ដោយ ។

គួរបញ្ជាក់ថា រហូតមកដល់ពេលនេះជំនួយសន្តិសុខសរុបរបស់សហរដ្ឋអាមេរិកដែលផ្តល់ឲ្យអ៊ុយក្រែនដោយរដ្ឋបាលរបស់លោកប្រធានាធិបតី Joe Biden បានកើនដល់ទៅ ៨.២ ពាន់លានដុល្លារហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ កូរ៉េខាងជើង ចោទ អាមេរិក ថាជា “រដ្ឋភេរវករជីវសាស្ត្រ”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៤ នាទី មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

បច្ចេកវិទ្យា៤៤ នាទី មុន

អ្នកជំនាញនិយាយថា “យុគមាសរបស់ Apple នៅក្នុងប្រទេសចិនបានបញ្ចប់ហើយ”

សេចក្ដីជូនដំណឹង១ ម៉ោង មុន

ការលក់សំបុត្រថ្ងៃសុក្ររបស់ក្រុមហ៊ុន Vietjet មានតម្លៃកាន់តែទាបសម្រាប់ការធ្វើដំណើរទៅប្រទេសវៀតណាម និងគោលដៅធ្វើដំណើរផ្សេងៗទៀតពេញមួយឆ្នាំ

សេចក្ដីជូនដំណឹង២ ម៉ោង មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

ព័ត៌មានអន្ដរជាតិ២ ម៉ោង មុន

វៀតណាម ជំរុញឲ្យប្រើវេជ្ជបញ្ជាអេឡិចត្រូនិកលក្ខណៈប្រព័ន្ធ ងាយស្រួលគ្រប់គ្រងថ្នាំមានប្រសិទ្ធភាព

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៧ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម