ព័ត៌មានអន្ដរជាតិ
អឺរ៉ុប អនុម័តប្រើប្រាស់វ៉ាក់សាំង អុតស្វាយ ការពារ ជំងឺអុតស្វា
មន្ត្រីសហភាពអឺរ៉ុប (EU) បាននិយាយកាលពីថ្ងៃចន្ទថា គណៈកម្មការអឺរ៉ុបបានអនុម័តប្រើប្រាស់វ៉ាក់សាំង Imvanex របស់ក្រុមហ៊ុនឱសថដាណឺម៉ាក Bavarian Nordic សម្រាប់ប្រឆាំងនឹងជំងឺអុតស្វា ។
លោក Stefan de Keersmaecker អ្នកនាំពាក្យរបស់ស្ថាប័នប្រតិបត្តិសហភាពអឺរ៉ុបទទួលបន្ទុកផ្នែកសុខភាពបានបញ្ជាក់ប្រាប់ទីភ្នាក់ងារ Anadolu បន្ទាប់ពីការវាយតម្លៃផ្នែកវិទ្យាសាស្ត្ររបស់ភ្នាក់ងារឱសថអឺរ៉ុប (EMA) លើវ៉ាក់សាំងនេះថា វ៉ាក់សាំង Imvanex ដែលបង្កើតឡើងដំបូងប្រឆាំងនឹងជំងឺអុតស្វាយ ក៏មានប្រសិទ្ធភាពផងដែរក្នុងការការពារមនុស្សពេញវ័យប្រឆាំងនឹងជំងឺអុតស្វា ។
ការអនុម័តវ៉ាក់សាំងរបស់ EU ធ្វើឡើង បន្ទាប់ពីអង្គការសុខភាពពិភពលោក (WHO) កាលពីថ្ងៃសៅរ៍បានប្រកាសការផ្ទុះជំងឺអុតស្វាជា “ភាពអាសន្នសុខភាពសកល” ដោយសារតែការរីករាលដាលមិនធម្មតារបស់ជំងឺមួយនេះ ។
បើយោងតាមស្ថិតិចុងក្រោយរបស់ WHO បានឲ្យដឹងថា រហូតមកដល់ពេលនេះជំងឺអុតស្វាបានប៉ះពាល់ដល់មនុស្សជាង ១៦,០០០ នាក់នៅក្នុង ៧៥ ប្រទេស ចាប់តាំងពីខែឧសភាមក ។
មេរោគនេះរីករាលដាលតាមរយៈការទំនាក់ទំនងជិតស្និទ្ធដែលភាគច្រើនកើតឡើងក្នុងចំណោមបុរសដែលរួមភេទជាមួយបុរស ហើយក៏ទំនងជាបណ្តាលឲ្យមានរោគសញ្ញាដូចជំងឺផ្តាសាយ គ្រុនក្ដៅ កន្ទួល ហើមកូនកណ្ដុរ និងខ្ទុះដំបៅស្បែកជាដើម ។
ចំណែកការឆ្លងវិញអាចតាមរយៈការប៉ះពាល់ជាមួយវត្ថុរាវក្នុងរាងកាយ ដំបៅស្បែក ឬផ្ទៃខ្ទុះខាងក្នុង ដូចជាក្នុងមាត់ ឬបំពង់ក ដំណក់ទឹកក្នុងផ្លូវដង្ហើម និងវត្ថុដែលមានមេរោគជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ប្រយ័ត្ន! ប្រើស្រោមអនាម័យពេលរួមភេទ ក៏មិនមែនជាការការពារ ១០០ ភាគរយប្រឆាំង ជំងឺអុតស្វា ដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង