ព័ត៌មានអន្ដរជាតិ

EU អនុម័តបន្តដាក់ទណ្ឌកម្មលើរុស្ស៊ីរយៈពេល៦ខែថែមទៀត

បានផុស

១២ ខែ មុន

នៅ

ថ្ងៃសុក្រ ២៧ មិថុនា ២០២៥

ដោយ

Chheang

កិច្ចប្រជុំមេដឹកនាំសហភាពអឺរ៉ុបនៅទីក្រុងប្រ៊ុចសែលកាលពីថ្ងៃទី២៦មិថុនា បានអនុម័តជាផ្លូវការដើម្បីបន្តការដាក់ទណ្ឌកម្មដែលមានស្រាប់ប្រឆាំងនឹងរុស្ស៊ី សម្រាប់រយៈពេល៦ខែបន្ថែមទៀត ដោយបញ្ជាក់សាជាថ្មីនូវសម្ពាធសេដ្ឋកិច្ចរបស់ពួកគេ ក្នុងការឆ្លើយតបទៅនឹងការឈ្លានពានរបស់ទីក្រុងមូស្គូទៅលើអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ចប់ទណ្ឌកម្ម រួមមាន ការរឹតបន្តឹងផ្នែកសេដ្ឋកិច្ច និងហិរញ្ញវត្ថុ ចាប់ពីការបង្កកទ្រព្យសកម្ម និងការរឹតបន្តឹងពាណិជ្ជកម្ម រហូតដល់ការទប់ស្កាត់លើទុនបម្រុងរបស់ធនាគារកណ្តាលរុស្ស៊ី ដែលមានទឹកប្រាក់សរុបជាង ២០០ពាន់លានអឺរ៉ូ ដោយរក្សាវិធានការទាំងនេះឲ្យមានប្រសិទ្ធភាពរហូតដល់ដើមឆ្នាំ២០២៦។

ខណៈពេលដែលការពន្យារពេលទណ្ឌកម្មថែមទៀតត្រូវបានអនុម័ត មេដឹកនាំសហភាពអឺរ៉ុបមិនបានយល់ព្រមលើកញ្ចប់ទណ្ឌកម្មទី១៨ថ្មី ដែលត្រូវបានស្នើឡើងទេ ដែលពាក់ព័ន្ធនឹងការរឹតបន្តឹងបន្ថែមទៀតនៅក្នុងវិស័យសំខាន់ៗ ដូចជា ថាមពល និងធនាគារ។ នេះក៏ព្រោះតែមានក្ដីព្រួយបារម្ភដែលលើកឡើងដោយប្រទេសហុងគ្រី និងស្លូវ៉ាគី ទាក់ទិននឹងសន្តិសុខថាមពល និងផលប្រយោជន៍ជាតិ។

នាយករដ្ឋមន្រ្តីស្លូវ៉ាគីលោក Robert Fico បានទទូចថា ការដាក់ទណ្ឌកម្មកាន់តែតឹងរ៉ឹង ជាពិសេសអ្នកដែលកំណត់គោលដៅនៃការបញ្ឈប់ការនាំចូលឧស្ម័នពីរុស្ស៊ីនៅឆ្នាំ២០២៧ មិនគួរដំណើរការដោយគ្មានការធានាការពារការផ្គត់ផ្គង់ឧស្ម័ន និងការពារសេដ្ឋកិច្ចរបស់ប្រទេសស្លូវ៉ាគីពីវិបត្តិតម្លៃប្រេងនោះទេ។

អ្នកការទូតសហភាពអឺរ៉ុបត្រូវបានគេរំពឹងថានឹងបន្តការចរចាលើកញ្ចប់ទណ្ឌកម្មលើកទី១៨ ក្នុងរយៈពេលប៉ុន្មានថ្ងៃខាងមុខនេះ ក្នុងគោលបំណងដើម្បីសម្រេចបាននូវមតិឯកច្ឆន្ទ មុនខែមករាឆ្នាំក្រោយ៕

ដោយ៖ ឈាង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា