ព័ត៌មានអន្ដរជាតិ
ចិនព្រមានម្តងទៀត បើលោកស្រី Pelosi ធ្វើទស្សនកិច្ចតៃវ៉ាន់មែន ខ្លួនមិនអង្គុយស្ងៀមឡើយ អាចមានការឆ្លើយតបផ្នែកយោធា (មានវីដេអូ)
ជាថ្មីម្តងទៀត ប្រទេសចិន កាលពីថ្ងៃអង្គារបានព្រមានថា អាចមានការឆ្លើយតបផ្នែកយោធា ប្រសិនបើប្រធានសភាអាមេរិក លោកស្រី Nancy Pelosi សម្រេចចិត្តទៅបំពេញទស្សនកិច្ចនៅកោះតៃវ៉ាន់។
ប្រសិនបើលោកស្រី Pelosi ធ្វើទស្សនកិច្ចនៅតៃវ៉ាន់មែន នោះនឹងបំពានយ៉ាងធ្ងន់ធ្ងរលើគោលការណ៍ចិនតែមួយ ហើយប៉ះពាល់យ៉ាងខ្លាំងដល់អធិបតេយ្យភាព និងបូរណភាពទឹកដីរបស់ប្រទេសចិន រួមទាំងធ្វើឲ្យខូចខាតយ៉ាងធ្ងន់ធ្ងរដល់មូលដ្ឋានគ្រឹះនយោបាយ នៃទំនាក់ទំនងចិន-អាមេរិកផងដែរ។ នេះបើតាមការបញ្ជាក់ពីលោកវរសេនីយ៍ឯក Tan Kefei អ្នកនាំពាក្យក្រសួងការពារជាតិចិន។
លោក Tan បាននិយាយថា ទីក្រុងប៉េកាំង ជំរុញឲ្យសហរដ្ឋអាមេរិកចាត់វិធានការជាក់ស្តែង ដើម្បីរក្សាការប្តេជ្ញាចិត្តរបស់ខ្លួន ចៀសវាងការគាំទ្រឯករាជ្យភាពរបស់តៃវ៉ាន់ និងមិនត្រូវរៀបចំឲ្យលោកស្រី Pelosi ធ្វើទស្សនកិច្ចតំបន់តៃវ៉ាន់ទេ។
លោក Tan បន្ថែមថា “ប្រសិនបើសហរដ្ឋអាមេរិក នៅតែទទូចចង់បន្តដើរផ្លូវនេះមែននោះ យោធាចិន នឹងមិនអង្គុយនៅស្ងៀមឡើយ ហើយខ្លួនពិតជានឹងចាត់វិធានការយ៉ាងខ្លាំងក្លា ដើម្បីរារាំងការជ្រៀតជ្រែកពីកម្លាំងខាងក្រៅណាមួយ”។
ដំបូងឡើយ លោកស្រី Pelosi គ្រោងនឹងទៅបំពេញទស្សនកិច្ចនៅកោះតៃវ៉ាន់ក្នុងខែមេសា ប៉ុន្តែបានលុបចោលដំណើរនោះវិញ បន្ទាប់ពីឆ្លងជំងឺកូវីដ១៩។ ឥឡូវ ប្រធានសភាអាមេរិករូបនេះ មានគម្រោងធ្វើដំណើរទៅតៃវ៉ាន់ក្នុងខែសីហា។
ដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់ បានបង្កឲ្យមានការជជែកវែកញែក ក្នុងទីក្រុងវ៉ាស៊ីនតោន ចំពេលភាពតានតឹងរវាងសហរដ្ឋអាមេរិក និងចិន កំពុងកើនឡើងខ្ពស់។
ទោះបីជាយ៉ាងណាក៏ដោយ លោកស្រី Pelosi មិនបានបញ្ជាក់អំពីការធ្វើដំណើរទៅតៃវ៉ាន់ទេ ដោយប្រាប់អ្នកយកព័ត៌មានថា លោកស្រីមិនដែលពិភាក្សាអំពីគម្រោងនេះឡើយ។ ប៉ុន្តែលោកស្រីក៏បានប្រាប់អ្នកសារព័ត៌មានកាលពីថ្ងៃព្រហស្បតិ៍សប្តាហ៍មុនដែរថា “វាមានសារសំខាន់សម្រាប់យើង ក្នុងការបង្ហាញការគាំទ្រចំពោះតៃវ៉ាន់”។
ប្រសិនបើដំណើរទស្សនកិច្ចនេះកើតឡើងមែននោះ លោកស្រី Pelosi នឹងក្លាយជាសមាជិកសភាជាន់ខ្ពស់បំផុតរបស់សហរដ្ឋអាមេរិក ដែលធ្វើទស្សនកិច្ចនៅកោះតៃវ៉ាន់ក្នុងរយៈពេល ២៥ ឆ្នាំ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Yahoo
ចុចអាន៖ ចិន ព្រមាន ឆ្លើយ តប ផ្នែក យោធា ចំពោះ ដំណើរទស្សនកិច្ចរបស់ប្រធានសភាអាមេរិក ទៅ កោះ តៃវ៉ាន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ