ព័ត៌មានអន្ដរជាតិ
ចិន ព្រមានឆ្លើយតបផ្នែកយោធា ចំពោះដំណើរទស្សនកិច្ចរបស់ប្រធានសភាអាមេរិក ទៅកោះតៃវ៉ាន់ (មានវីដេអូ)
ប្រទេសចិនបានលើកឡើងពីជម្លោះរបស់ខ្លួនជាមួយទីក្រុងវ៉ាស៊ីនតោន ជុំវិញការធ្វើដំណើរដែលបានគ្រោងទុករបស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់ ដោយនិយាយថា ខ្លួនអាចនឹងឆ្លើយតបផ្នែកយោធា ប្រសិនបើអ្នកប្រជាធិបតេយ្យនៅរដ្ឋកាលីហ្វ័រញ៉ារូបនេះ ធ្វើដំណើរទស្សនកិច្ចមែន។
ដោយលើកឡើងពីប្រភពចំនួនប្រាំមួយ ដែលដឹងពីបញ្ហានេះ កាសែត Financial Times បានរាយការណ៍កាលពីថ្ងៃអាទិត្យទី២៤ខែកក្កដាថា ការព្រមានចុងក្រោយបំផុតនេះ ត្រូវបានចេញជាលក្ខណៈឯកជនដល់សមាជិកនៃរដ្ឋបាលរបស់លោកប្រធានាធិបតី Joe Biden។
សេចក្តីថ្លែងការណ៍នេះ គឺខ្លាំងជាងការព្រមាននានាដែលមន្ត្រីចិនបានចេញនាពេលកន្លងមក អំពីសកម្មភាពដ៏ចម្រូងចម្រាសរបស់សហរដ្ឋអាមេរិក ឬការសម្រេចចិត្តគោលនយោបាយទាក់ទងនឹងតៃវ៉ាន់។
លោកស្រី Pelosi គ្រោងនឹងធ្វើទស្សនកិច្ចទីក្រុងតៃប៉ិ នៅខែក្រោយ ដែលជាដំណើរលើកដំបូងរបស់ប្រធានសភាអាមេរិក ទៅកាន់កោះនេះចាប់តាំងពីឆ្នាំ ១៩៩៧មក។
អ្នកនាំពាក្យក្រសួងការបរទេសចិនលោក Zhao Lijian បាននិយាយកាលពីថ្ងៃអង្គារសប្តាហ៍មុនថា ការធ្វើដំណើររបស់លោកស្រី Pelosi នឹងមានផលប៉ះពាល់យ៉ាងធ្ងន់ធ្ងរដល់ទំនាក់ទំនងចិន-អាមេរិក។
លោកបញ្ជាក់ថា “ប្រសិនបើអាមេរិកទទូចចង់ដើរតាមផ្លូវខុស ចិននឹងចាត់វិធានការយ៉ាងម៉ឺងម៉ាត់ និងរឹងមាំដើម្បីការពារអធិបតេយ្យភាព និងបូរណភាពទឹកដីរបស់ខ្លួន។ ផលវិបាកដែលកើតឡើងទាំងអស់ត្រូវទទួលខុសត្រូវដោយភាគីអាមេរិក”។
មន្ត្រីចិនក៏បានអះអាងដែរថា ដំណើរទស្សនកិច្ចទៅកាន់ទីក្រុងតៃប៉ិរបស់អ្នកតំណាងជាន់ខ្ពស់បែបនេះ នឹងបំពានគោលនយោបាយចិនតែមួយ ដែលក្នុងនោះរដ្ឋាភិបាលទីក្រុងវ៉ាស៊ីនតោន បានទទួលស្គាល់ការទាមទាររបស់ទីក្រុងប៉េកាំង ចំពោះអធិបតេយ្យភាពលើកោះតៃវ៉ាន់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ក្រុងប៉េកាំង បន្ទោស អាមេរិក ថា ជាអ្នកបង្កបញ្ហា ក្រោយនាវាចម្បាំង រំលោភដែនទឹករបស់ ចិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង