ព័ត៌មានអន្ដរជាតិ
លោកស្រី Pelosi ថា អាមេរិក នឹងមិនចោល តៃវ៉ាន់ ឡើយ
ប្រធានសភាអាមេរិកលោកស្រី Nancy Pelosi បាននិយាយថា ការធ្វើដំណើររបស់លោកស្រីទៅកាន់កោះតៃវ៉ាន់គឺចង់បង្ហាញឲ្យច្បាស់ពីគោលបំណងរបស់សហរដ្ឋអាមេរិកនឹងមិនបោះបង់ចោលកោះដែលគ្រប់គ្រងតាមបែបប្រជាធិបតេយ្យមួយនេះនោះទេ ។
លោកស្រី Pelosi បាននិយាយជាមួយប្រធានាធិបតីតៃវ៉ាន់លោកស្រី Tsai Ing-wen នៅការិយាល័យប្រធានាធិបតីក្នុងទីក្រុងតៃប៉ិនៅព្រឹកថ្ងៃពុធនេះថា “យើងមានមោទនភាពចំពោះមិត្តភាពដ៏យូរអង្វែងរបស់យើង ។ ឥឡូវនេះសាមគ្គីភាពរបស់អាមេរិកជាមួយតៃវ៉ាន់គឺមានសារៈសំខាន់ច្រើនជាងពេលណាទាំងអស់ ហើយនេះគឺជាសារដែលយើងកំពុងនាំយកមកកោះតៃវ៉ាន់” ។
សុន្ទរកថារបស់លោកស្រី Pelosi បានកើតឡើងភ្លាមៗ បន្ទាប់ពីលោកស្រី Tsai បានសរសើរការប្តេជ្ញាចិត្តដ៏យូរអង្វែងរបស់ប្រធានសភាអាមេរិករូបនេះចំពោះលទ្ធិប្រជាធិបតេយ្យ និងសិទ្ធិមនុស្សរបស់កោះតៃវ៉ាន់ ។
ស្របពេលជាមួយគ្នានេះ លោកស្រី Pelosi និងគណៈប្រតិភូសភាអាមេរិកដែលលោកស្រីកំពុងដឹកនាំ ក៏បានជួប និងសម្ដែងក្ដីរីករាយជាមួយសមាជិកសភា ក៏ដូចជាអនុប្រធានសភាតៃវ៉ាន់លោក Tsai Chi-chang ផងដែរ មុនពេលកិច្ចប្រជុំបិទទ្វារ ។
គួរបញ្ជាក់ថា ដំណើរទស្សនកិច្ចរបស់លោកស្រី Pelosi គឺជាលើកដំបូងហើយក្នុងរយៈពេល ២៥ ឆ្នាំដែលប្រធានសភាអាមេរិកបានធ្វើដំណើរទស្សនកិច្ចទៅកោះតៃវ៉ាន់ដែលចិនអះអាងថាជាផ្នែកនៃទឹកដីរបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ CNN
ចុចអាន ៖ លោក Biden និយាយយ៉ាងខ្លី រឿងលោកស្រី Pelosi ទៅ តៃវ៉ាន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង