ព័ត៌មានអន្ដរជាតិ

លោក Biden និយាយយ៉ាងខ្លី រឿងលោកស្រី Pelosi ទៅ តៃវ៉ាន់

បានផុស

៤ years មុន

នៅ

ថ្ងៃពុធ ៣ សីហា ២០២២

ដោយ

អ្នកសម្របសម្រួលក្រុមប្រឹក្សាសន្តិសុខជាតិលោក John Kirby បាននិយាយទៅកាន់អ្នកសារព័ត៌មានកាលពីថ្ងៃអង្គារអំពីដំណើរទស្សនកិច្ចរបស់លោកស្រី Nancy Pelosi ថា ប្រធានាធិបតីអាមេរិកលោក Joe Biden គោរពតាមការសម្រេចចិត្តរបស់ប្រធានសភារូបនេះក្នុងការធ្វើដំណើរទៅកាន់កោះតៃវ៉ាន់ ។

ដោយដកស្រង់សម្ដីពីលោក Biden, លោក Kirby បាននិយាយថា លោកស្រី Pelosi មានសិទ្ធិទៅកោះតៃវ៉ាន់ ហើយដំណើរនេះគឺជាការសម្រេចចិត្តរបស់លោកស្រី ដោយសារតែសភាអាមេរិកគឺជាផ្នែកឯករាជ្យរបស់រដ្ឋាភិបាល” ។

លោកបានសង្កត់ធ្ងន់ថា ដំណើរទស្សនកិច្ចនេះគឺស្របតាមគោលនយោបាយចិនតែមួយរបស់អាមេរិកដែលមានជាយូរមកហើយ ហើយវាមិនមានហេតុផលសម្រាប់ប្រទេសចិនក្នុងការបង្វែរដំណើរទស្សនកិច្ចនេះទៅជាវិបត្តិមួយចំនួន ឬប្រើវាជាលេសដើម្បីបង្កើនការឈ្លានពាន និងសកម្មភាពយោធាទាំងនៅក្នុង និងជុំវិញច្រកសមុទ្រតៃវ៉ាន់នោះទេ ។

ចំណែកចំពោះការធ្វើសមយុទ្ធយោធាទ្រង់ទ្រាយធំរបស់ចិននៅជិតកោះតៃវ៉ាន់វិញ មន្ត្រីរូបនេះបាននិយាយថា សហរដ្ឋអាមេរិកបានត្រៀមខ្លួនរួចជាស្រេចដើម្បីគ្រប់គ្រងអ្វីដែលទីក្រុងប៉េកាំងជ្រើសរើសធ្វើវាឡើង ។

ជាចុងក្រោយលោក Kirby បញ្ជាក់ថា “អាមេរិកនឹងមិនស្វែងរក ក៏ដូចជាមិនចង់បានវិបត្តិទេនោះទេ ហើយអាមេរិកគឺព្យាយាមចង់តែរក្សាទំនាក់ទំនងជាមួយចិនប៉ុណ្ណោះដើម្បីបញ្ចៀសភាពតានតឹង” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើលោកស្រី Pelosi មានសាវតារយ៉ាងណា និងធ្លាប់ឌឺដងពាក្យសម្ដីអ្វីខ្លះដល់ ចិន?