ព័ត៌មានអន្ដរជាតិ
អគ្គមេធាវីអាមេរិក ចេញមុខបញ្ជាក់ ពាក់ព័ន្ធការឆែកឆេរផ្ទះលោក Trump (មានវីដេអូ)
អគ្គមេធាវីអាមេរិកលោក Merrick Garland បានចេញមុខការពារ ប្រតិបត្តិការវាយឆ្មក់របស់ FBI ដែលធ្វើឡើងនៅផ្ទះអតីតប្រធានាធិបតី Donald Trump ក្នុងរដ្ឋ Florida កាលពីដើមសប្តាហ៍នេះ ដោយនិយាយថា លោកផ្ទាល់គឺជាអ្នកអនុញ្ញាតឲ្យធ្វើការឆែកឆេរនោះ។
នៅក្នុងសន្និសីទសារព័ត៌មានខ្លីមួយកាលពីថ្ងៃព្រហស្បតិ៍ទី១១ខែសីហា លោក Garland បានប្រាប់អ្នកកាសែតថា ក្រសួងយុត្តិធម៌ បានស្នើសុំចៅក្រមសហព័ន្ធ ឲ្យចេញដីកាដែលអនុម័តដោយតុលាការ ដែលអនុញ្ញាតឲ្យមានការឆែកឆេរ និងឯកសារទាក់ទង។
លោក Garland និយាយថា “ក្រសួងបានដាក់សំណើឲ្យផ្សព្វផ្សាយជាសាធារណៈ នូវដីកា និងឯកសារ តាមការបញ្ជាក់របស់អតីតប្រធានាធិបតី ចំពោះការឆែកឆេរ កាលៈទេសៈជុំវិញ និងការចាប់អារម្មណ៍ជាសាធារណៈយ៉ាងច្រើនទៅលើបញ្ហានេះ”។
ទោះបីជាយ៉ាងណាក៏ដោយ អគ្គមេធាវីមិនបានផ្តល់ព័ត៌មានលម្អិតអំពីលក្ខណៈនៃការស៊ើបអង្កេត ដែលនាំទៅដល់ការឆែកឆេរផ្ទះ Mar-a-Lago របស់លោក Trump ក្នុងរដ្ឋ Florida កាលពីយប់ថ្ងៃចន្ទនោះទេ ប៉ុន្តែប្រព័ន្ធផ្សព្វផ្សាយជាច្រើនរបស់សហរដ្ឋអាមេរិកបានដកស្រង់ប្រភពមិនបញ្ចេញអត្តសញ្ញាណ ដោយនិយាយថា ការស៊ើបអង្កេតនេះ កំពុងផ្តោតលើការកាន់កាប់ឯកសារសម្ងាត់មិនបានត្រឹមត្រូវ។
លោក Garland លើកឡើងថា “ខ្ញុំបានយល់ព្រមដោយផ្ទាល់ នូវការសម្រេចចិត្តចេញដីកាឆែកឆេរក្នុងរឿងនេះ។ ក្រសួងយុត្តិធម៌ មិនបានចាត់វិធានការស្រាល ដើម្បីឆែកឆេរផ្ទះរបស់ប្រជាពលរដ្ឋទេ ហើយនោះនឹងប្រើប្រាស់មធ្យោបាយរំខានតិចតួច តាមដែលអាចធ្វើទៅបាន”។
ការឆែកឆេរនៅផ្ទះរបស់លោក Trump បានបង្កឲ្យមានកំហឹង ក្នុងចំណោមអ្នកគាំទ្ររបស់គាត់ ខណៈសមាជិកសភាមកពីគណបក្សសាធារណរដ្ឋមួយចំនួន បានប្តេជ្ញាថានឹងស៊ើបអង្កេតលើក្រសួងយុត្តិធម៌ រួមទាំងលោក Garland ផងដែរ ប្រសិនបើពួកគេទទួលបានអំណាចនៅក្នុងការបោះឆ្នោតពាក់កណ្តាលអាណត្តិនាពេលខាងមុខ។
អ្នកផ្សេងទៀតបានគំរាមកំហែងថានឹងរារាំង FBI ពីការបន្តទទួលបានមូលនិធិ ដោយចោទប្រកាន់ភ្នាក់ងារអនុវត្តច្បាប់នានាដែលពាក់ព័ន្ធនឹងការស៊ើបអង្កេតលើគោលដៅរបស់លោក Trump ថា កំពុងរៀបចំឆាកល្ខោននយោបាយ។
សេចក្តីថ្លែងការណ៍របស់លោក Garland ក៏បានកើតឡើងផងដែរ ចំពេលមានរបាយការណ៍អំពីការគំរាមកំហែងកាន់តែខ្លាំងឡើងនៃអំពើហិង្សា និងការគំរាមផ្ទុះ “សង្រ្គាមស៊ីវិល” ពីសំណាក់អ្នកគាំទ្រលោក Trump តាមអ៊ីនធឺណិត៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ លោក ត្រាំ មិនឆ្លើយសំណួរ នៅក្នុងការស៊ើបអង្កេត ចូលទៅក្នុងក្រុមហ៊ុនរបស់គាត់
ពណ៌ផ្ទះហុងស៊ុយ ស្របតាមទិសទាំង ៨ ជួយទាក់ទាញសំណាងទ្វេដង
សពលោក ប៊ូ ឡាំ អតីតអ្នកតំណាងរាស្ត្រខេត្តរតនគិរី បានដឹកពីប្រទេសវៀតណាមមកដល់កម្ពុជាហើយ ដើម្បីរៀបចំធ្វើបុណ្យតាមប្រពៃណី
រដ្ឋមន្ត្រីក្រសួងសាធារណការ ត្រៀមប្រើម៉ាស៊ីនទំនើប ដែលអាចជំនួសមនុស្ស ក្នុងការចូលលូ លើកដំបូងក្នុងប្រទេសកម្ពុជា
កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង
អង្គការសម្រេចសុបិន្តកុមារកម្ពុជា ចំណាយថវិកាជាង៦ម៉ឺនដុល្លារ ចូលរួមអភិវឌ្ឍន៍លើវិស័យធនធានមនុស្សក្នុងស្រុកថ្មគោល
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
វប្បធម៌ ជំនឿ១ សប្តាហ៍ មុនប្រពៃណីធំៗ សែស្រឡាយចិនតែងធ្វើ និងជឿថានាំសំណាង ក្នុងថ្ងៃសែននំព្រះខែ
-
វប្បធម៌ ជំនឿ៥ ថ្ងៃ មុនមកដឹងពីប្រវត្តិដ៏យូរលង់ នៃពិធីបុណ្យភ្ជុំបិណ្ឌ
-
វប្បធម៌ ជំនឿ៧ ថ្ងៃ មុនអំណោយ ៥ យ៉ាង គួរជូនទៅសាច់ញាតិក្នុងថ្ងៃសែនព្រះខែ ដើម្បីនាំសុភមង្គលជូនដល់ជីវិត
-
វប្បធម៌ ជំនឿ២ ថ្ងៃ មុនអត្ថន័យនិងជំនឿនៃការបោះបាយបិណ្ឌ នៅម៉ោង ៤ ទៀបភ្លឺ
-
វប្បធម៌ ជំនឿ៥ ថ្ងៃ មុនការពិត ៥ យ៉ាង ទាក់ទងនឹងពិធីបុណ្យភ្ជុំបិណ្ឌ
-
វប្បធម៌ ជំនឿ៣ ថ្ងៃ មុនម្ហូបមួយមុខទាក់ទងនឹងពពួកប្រេត កូនចៅខ្មែរចោលមិនបាន ក្នុងថ្ងៃកាន់បិណ្ឌទីមួយ
-
វប្បធម៌ ជំនឿ៦ ថ្ងៃ មុននំ ៧ ប្រភេទ ខ្វះមិនបាន ហើយជនជាតិ ចិន តែងយកជាដង្វាយសែនព្រះខែរាល់ឆ្នាំ
-
វប្បធម៌ ជំនឿ២ ថ្ងៃ មុនហេតុអ្វីគេចាត់ទុកបិណ្ឌ ១ និងភ្ជុំធំ ជាថ្ងៃសំខាន់មិនអាចអាក់ខានបាន?