Connect with us

ព័ត៌មានអន្ដរជាតិ

អង់គ្លេស ប្រកាសគ្រោះរាំងស្ងួតនៅតំបន់មួយចំនួន

បានផុស

នៅ

ចក្រភពអង់គ្លេស បានប្រកាសជាផ្លូវការនូវគ្រោះរាំងស្ងួតនៅតំបន់មួយចំនួន កាលពីថ្ងៃសុក្រ ទី១២ខែសីហា ខណៈក្រុមគ្រួសារនានា ត្រូវប្រឈមមុខនឹងការរឹតត្បិតលើការប្រើប្រាស់ទឹក ក្នុងអំឡុងពេលនៃអាកាសធាតុក្តៅ និងស្ងួតហួតហែងអូសបន្លាយពេល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារបរិស្ថានបាននិយាយនៅក្នុងសេចក្តីថ្លែងការណ៍មួយថា ផ្នែកខ្លះនៃភាគខាងត្បូង កណ្តាល និងខាងកើតប្រទេសអង់គ្លេស ឥឡូវនេះស្ថិតក្នុងស្ថានភាពគ្រោះរាំងស្ងួត ដែលមានន័យថា ក្រុមហ៊ុនទឹកនានា នឹងត្រូវបង្កើនកិច្ចខិតខំប្រឹងប្រែងដើម្បីគ្រប់គ្រងផលប៉ះពាល់នៃអាកាសធាតុរាំងស្ងួតលើកសិករ និងបរិស្ថាន។

បន្ទាប់ពីកិច្ចប្រជុំនៃក្រុមគ្រោះរាំងស្ងួតជាតិ, រដ្ឋមន្ត្រីក្រសួងទឹកលោក Steve Double បាននិយាយថា “ក្រុមហ៊ុនទឹកទាំងអស់បានធានាដល់យើងជាថ្មីថា ការផ្គត់ផ្គង់សំខាន់ៗនៅតែមានសុវត្ថិភាព ហើយយើងបានបញ្ជាក់យ៉ាងច្បាស់ថា វាជាកាតព្វកិច្ចរបស់ពួកគេក្នុងការរក្សាការផ្គត់ផ្គង់ទាំងនោះ”។

លោកបន្ថែមថា “យើង​បាន​ត្រៀម​ខ្លួន​ល្អ​ជាង​ពេល​មុន ​សម្រាប់​រយៈ​ពេល​នៃ​អាកាសធាតុរាំង​ស្ងួត ប៉ុន្តែ​យើង​នឹង​បន្ត​តាម​ដាន​យ៉ាង​ដិតដល់​នូវ​ស្ថានភាព រួម​ទាំង​ផល​ប៉ះ​ពាល់​ដល់​កសិករ និង​បរិស្ថាន ហើយ​ចាត់​វិធានការ​បន្ថែម​ទៀត​តាម​ការ​ចាំបាច់”។

រដ្ឋមន្ត្រីក្រសួងទឹកលោក Steve Double

កិច្ចប្រជុំនេះបានកើតឡើងបន្ទាប់ពីអ្វី ដែលគេអះអាងាជាខែកក្កដាស្ងួតហួតហែងបំផុតនៅក្នុងប្រទេសអង់គ្លេសចាប់តាំងពីឆ្នាំ ១៩៣៥មក។ មានតែ៣៥ភាគរយប៉ុណ្ណោះនៃកម្រិតទឹកភ្លៀងជាមធ្យមសម្រាប់ខែនេះ ដែលបានធ្លាក់ចុះ ហើយផ្នែកខ្លះនៃប្រទេសអង់គ្លេស និងវេលស៍ ឥឡូវនេះស្ថិតក្នុងពាក់កណ្តាលនៃការប្រកាសអាសន្ន។ 

គួរបញ្ជាក់ថា គ្រោះរាំងស្ងួតដែលប្រកាសលើកចុងក្រោយនៅប្រទេសអង់គ្លេសគឺឆ្នាំ ២០១៨៕

ប្រែសម្រួល៖ Vann Vann

ប្រភព៖ CNA

ចុចអាន៖ ទីក្រុង បារាំង ជាង ១០០ នៅតែគ្មានទឹកផឹក ដោយសារគ្រោះរាំងស្ងួត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម