ទឹកជំនន់នៅ ចិន សម្លាប់មនុស្ស ១៨ នាក់ ខណៈច្រើននាក់ទៀតបាត់ខ្លួន

ទឹកជំនន់ដែលបានបង្កការបំផ្លិចបំផ្លាញ នៅតំបន់ភាគពាយ័ព្យនៃប្រទេសចិន ឥឡូវនេះបានឆក់យកជីវិតមនុស្ស ១៨ នាក់ និង ១៣នាក់ទៀត កំពុងបាត់ខ្លួន​នៅឡើយ។

ផ្អែក​តាម​របាយការណ៍​ពី​សារព័ត៌មាន CGTN គ្រប់គ្រង​ដោយ​រដ្ឋ​បាន​រាយការណ៍​ថា បុគ្គលិក​ជាង ២,០០០ នាក់​កំពុង​ធ្វើ​ប្រតិបត្តិការ​ជួយ​សង្គ្រោះ​នៅ​ក្នុង​ខេត្ត Qinghai ។

ដោយឡែក​ មនុស្ស២៤នាក់ត្រូវបានជួយសង្គ្រោះ បន្ទាប់​ពី​មាន​ភ្លៀង​ធ្លាក់​ខ្លាំង ​ដែល​នាំឲ្យ​មាន​ទឹកជំនន់​នៅ​ក្នុង​ទីក្រុង​ចំនួន​ពីរ​នៃ​ស្រុក Datong កាល​ពី​ល្ងាច​ថ្ងៃពុធ និង​ថ្ងៃ​ព្រហស្បតិ៍។

គួរបញ្ចាក់ថា ប្រជាជន​ប្រមាណ ៦,២៤៥ នាក់​នៅ​ក្នុង​ភូមិ​ចំនួន ៦ បានរងផលប៉ះពាល់ដោយសារ​ទឹក​ហូរហៀរ​ពី​ភ្នំ​មួយ​ក្នុង​ខេត្ត ដែល​បណ្ដាល​ឲ្យ​ខូចខាត​ទ្រព្យសម្បត្តិ និង​ហេដ្ឋារចនាសម្ព័ន្ធ​យ៉ាង​ធ្ងន់ធ្ងរ៕

ប្រែសម្រួល៖ សាង ស្រីល័ក្ខ

ប្រភព៖AA

ចុចអាន៖ថៃ ព្រមានទឹកជំនន់ជន់លិច ទូទាំងប្រទេស ចាប់ពីថ្ងៃសៅរ៍ ដល់សប្តាហ៍ក្រោយ