ព័ត៌មានអន្ដរជាតិ
លោក Xi Jinping សុំឲ្យប្រធានាធិបតី អាមេរិក រារាំងលោកស្រី Pelosi មកតៃវ៉ាន់ តែលោក Biden បដិសេធ
កាសែត Wall Street Journal បានរាយការណ៍ថា ប្រធានាធិបតីចិនលោក Xi Jinping បានស្នើសុំសមភាគីអាមេរិកលោក Joe Biden នៅក្នុងការហៅទូរស័ព្ទកាលពីថ្ងៃទី ២៨ ខែកក្កដា ឲ្យបញ្ឈប់ប្រធានសភាអាមេរិកលោកស្រី Nancy Pelosi ពីការធ្វើដំណើរទៅកាន់កោះតៃវ៉ាន់ ។
យោងតាមប្រភពព័ត៌មានបានឲ្យដឹងទៀតថា លោក Biden បានបដិសេធ និងធ្វើព្រងើយកន្តើយ ហើយប្រាប់លោក Xi វិញថា “ខ្ញុំមិនមានអំណាចលើការសម្រេចចិត្តចំពោះការធ្វើដំណើររបស់លោកស្រី Pelosi នោះទេ ចាប់តាំងពីលោកស្រីជាអ្នកតំណាងនៃស្ថាប័នឯករាជ្យក្នុងនាមជាសមាជិកសភា” ។
យ៉ាងណា ទោះបីជាប្រធានាធិបតីបានបដិសេធយ៉ាងខ្លាំងចំពោះការទាមទាររបស់លោក Xi ក៏ដោយ ក៏សេតវិមានត្រូវបានគេរាយការណ៍ថា មិនពេញចិត្តនឹងផែនការរបស់លោកស្រី Pelosi ក្នុងការទៅទស្សនាកោះដែលទីក្រុងប៉េកាំងចាត់ទុកថាជាទឹកដីត្រឹមត្រូវរបស់ខ្លួន ។
ប្រទេសចិនបានប្រឆាំងម្តងហើយម្តងទៀតនូវដំណើរទស្សនកិច្ចរបស់មន្ត្រីជាន់ខ្ពស់អាមេរិកទៅកាន់កោះនេះ ហើយប្រឆាំងដាច់ខាតនូវទំនាក់ទំនងផ្លូវការណាមួយរបស់បរទេសជាមួយទីក្រុងតៃប៉ិ ។
ដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះនេះកាលពីដើមខែសីហា បានបង្កឲ្យមានភាពតានតឹងជាថ្មីនៅច្រកសមុទ្រតៃវ៉ាន់ ក៏ដូចជារលកនៃទណ្ឌកម្មរបស់ចិនប្រឆាំងនឹងតៃវ៉ាន់ជាដើម ។ ជាងនេះទៅទៀត ទីក្រុងប៉េកាំងបានចាប់ផ្តើមសមយុទ្ធយោធាទ្រង់ទ្រាយធំនៅតំបន់ជុំវិញកោះនេះ ដែលរួមមានទាំងសមយុទ្ធបាញ់គ្រាប់ពិត និងការហោះហើរយន្តហោះយោធានៅជិតដែនអាកាសរបស់តៃវ៉ាន់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង