ព័ត៌មានអន្ដរជាតិ
លោក ពូទីន និងលោក ស៊ី នឹងជួបគ្នាឆាប់ជាងការរំពឹងទុក
ជិត៦ខែបន្ទាប់ពីមេដឹកនាំទាំងពីរជួបគ្នាដោយផ្ទាល់, ប្រធានាធិបតីចិន ស៊ី ជីនពីង និងសមភាគីរុស្ស៊ីលោក វ្ល៉ាឌីមៀរ ពូទីន នឹងជួបគ្នាក្នុងកិច្ចប្រជុំកំពូលរបស់អង្គការសហប្រតិបត្តិការសៀងហៃ (SCO) នៅពាក់កណ្តាលខែកញ្ញាក្នុងទីក្រុង Samarkand នៃប្រទេស អ៊ូសបេគីស្ថាន។
យោងតាមប្រភពពីកាសែត Wall Street Journal, ចិន បានចាប់ផ្តើមរៀបចំសម្រាប់ដំណើរទស្សនកិច្ចរបស់លោក ស៊ី ទៅកាន់ប្រទេសអ៊ូសបេគីស្ថាន រួចហើយ។ ថ្វីបើមន្ត្រីចិន មិនបានបញ្ជាក់ពីដំណើរទស្សនកិច្ចណាមួយរបស់លោក ស៊ី នៅខាងក្រៅទីក្រុងប៉េកាំងក៏ដោយ ប៉ុន្តែប្រភពដែលដឹងពីដំណើរនេះ បានអះអាងថា លោកនឹងធ្វើទស្សនកិច្ចនៅថ្ងៃទី១៥ខែកញ្ញា។
ក្រៅពីនេះ ប្រព័ន្ធផ្សព្វផ្សាយអាមេរិកបានបញ្ជាក់ថា ក្រុមមន្ត្រីក៏បានចាប់ផ្តើមរៀបចំកិច្ចប្រជុំទ្វេភាគីនៅក្រៅជំនួបកំពូលនេះផងដែរ។
កាលពីដើមខែកុម្ភៈ មេដឹកនាំទាំងពីរបានជួបគ្នាក្នុងអំឡុងការប្រកួតកីឡាអូឡាំពិករដូវរងានៅប្រទេសចិន ប៉ុន្មានថ្ងៃមុនសង្គ្រាមរុស្ស៊ី ប្រឆាំងអ៊ុយក្រែនផ្ទុះឡើង។
មន្ត្រីចិនបានប្រាប់ Wall Street Journal ថា “ការធ្វើដំណើរទៅកាន់ទីក្រុង Samarkand នឹងគូសបញ្ជាក់ពីគោលដៅរបស់លោក ស៊ី ក្នុងការបង្កើនទំនាក់ទំនងសន្តិសុខកាន់តែរឹងមាំ ជាមួយបណ្តាប្រទេសដែលមិនមែនជាសម្ព័ន្ធមិត្តរបស់សហរដ្ឋអាមេរិក ខណៈលោកខាងលិចកាន់តែគំរាមកំហែង ប្រឆាំងនឹងកិច្ចខិតខំប្រឹងប្រែងប្រទេសចិន”។
គួរបញ្ជាក់ថា ពីដំបូងឡើយ លោក ស៊ី ជីនពីង និងលោក វ្ល៉ាឌីមៀរ ពូទីន ត្រូវបានគេរំពឹងថាជួបគ្នាក្នុងកិច្ចប្រជុំកំពូល G20 នៅកោះបាលី នាខែវិច្ឆិកា៕
ប្រែសម្រួល៖ Vann Vann
ប្រភព៖ Republic World
ចុចអាន៖ លោក ស៊ី និង ពូទីន នឹងចូលរួមកិច្ចប្រជុំកំពូល G20 នៅកោះបាលី ក្នុងខែវិច្ឆិកា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង