ព័ត៌មានអន្ដរជាតិ
ចិន ដាក់លក្ខខណ្ឌមួយចំណុចទៅអាមេរិក បើចង់ចាប់ផ្តើមកិច្ចពិភាក្សាអាកាសធាតុឡើងវិញ
ប្រទេសចិនបាននិយាយនៅថ្ងៃពុធទី៣១ខែសីហានេះថា លក្ខខណ្ឌមួយចំណុច សម្រាប់ការបន្តកិច្ចចរចាស្តីពីអាកាសធាតុទ្វេភាគីជាមួយសហរដ្ឋអាមេរិកឡើងវិញ គឺទីក្រុងវ៉ាស៊ីនតោន ត្រូវលុបបំបាត់ “ឥទ្ធិពលអវិជ្ជមាន” ដែលបន្សល់ទុកដោយដំណើរទស្សនកិច្ចរបស់ប្រធានសភាតំណាងរាស្រ្តអាមេរិកលោក Nancy Pelosi ទៅកាន់កោះតៃវ៉ាន់កាលពីដើមខែនេះ។

ជាការឆ្លើយតបទៅនឹងដំណើរទស្សនកិច្ចចាប់ពីថ្ងៃទី២ដល់ថ្ងៃទី៣ខែសីហា ប្រទេសចិនកាលពីថ្ងៃទី៥ខែសីហា បានផ្អាកកិច្ចសហប្រតិបត្តិការទ្វេភាគីជាមួយសហរដ្ឋអាមេរិក ក្នុងវិស័យមួយចំនួន រួមទាំងកិច្ចពិភាក្សាអាកាសធាតុ និងការសន្ទនារវាងមេបញ្ជាការយោធាជាន់ខ្ពស់ផងដែរ។
ក្នុងបទសម្ភាសន៍ជាមួយកាសែត Financial Times កាលពីថ្ងៃអង្គារ, បេសកជនពិសេសរបស់សហរដ្ឋអាមេរិក ទទួលបន្ទុកផ្នែកបម្រែបម្រួលអាកាសធាតុ លោក John Kerry បានជំរុញឲ្យប្រធានាធិបតីចិនលោក Xi Jinping បន្តកិច្ចពិភាក្សាឡើងវិញ។

អតីតរដ្ឋមន្ត្រីការបរទេសអាមេរិក ដែលបច្ចុប្បន្នជាអ្នកការទូតអាកាសធាតុកំពូលរបស់រដ្ឋបាល លោក Biden ក៏បានប្រាប់កាសែតនេះផងដែរថា លោកសង្ឃឹមថា ប្រទេសនានា អាចវិលត្រលប់មកវិញ មុនកិច្ចប្រជុំកំពូលអាកាសធាតុ COP27 របស់អង្គការសហប្រជាជាតិក្នុងខែវិច្ឆិកា នៅរមណីយដ្ឋាន Sharm el-Sheikh នៃប្រទេស អេហ្ស៊ីប។
ប្រទេសចិន បានឆ្លើយតបទៅនឹងការលើកឡើងរបស់លោក Kerry ដោយបញ្ជាក់ថា ការបន្តកិច្ចពិភាក្សាអាកាសធាតុជាមួយសហរដ្ឋអាមេរិក គឺពឹងផ្អែកលើសកម្មភាពរបស់ទីក្រុងវ៉ាស៊ីនតោន ក្នុងការដោះស្រាយឥទ្ធិពលអវិជ្ជមាន នៃដំណើរទស្សនកិច្ចនៅតៃវ៉ាន់របស់លោកស្រី Pelosi។

ក្រសួងការបរទេសចិន បាននិយាយនៅក្នុងសេចក្តីថ្លែងការណ៍ជាលាយលក្ខណ៍អក្សរ ផ្ញើទៅកាន់ Reuters ថា “ភាគីអាមេរិក គួរតែលុបបំបាត់ឥទ្ធិពលអវិជ្ជមាន នៃទស្សនកិច្ចនៅតៃវ៉ាន់របស់លោកស្រី Pelosi។ នេះជាលក្ខខណ្ឌមិនអាចខ្វះបាន នៃកិច្ចសហប្រតិបត្តិការប្រែប្រួលអាកាសធាតុរវាងចិន និងសហរដ្ឋអាមេរិក”។
សេចក្តីថ្លែងការណ៍ក៏បាននិយាយដែរថា ប្រទេសចិននឹងបន្តចូលរួមយ៉ាងសកម្មនៅក្នុងវេទិកាអន្តរជាតិស្តីពីការប្រែប្រួលអាកាសធាតុ៕
ប្រែសម្រួល៖ Vann Vann
ប្រភព៖ CNA
ចុចអាន៖ EU ត្រៀមទិញយន្តហោះពន្លត់ភ្លើងឆេះព្រៃ ខណៈវិបត្តិអាកាសធាតុ កាន់តែធ្ងន់ធ្ងរ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ