ព័ត៌មានអន្ដរជាតិ
រុស្ស៊ី កំពុងសម្រេចចិត្តថាតើ លោក ពូទីន គួរចូលរួមកិច្ចប្រជុំ G20 ឬក៏អត់ ព្រោះខ្លាចគ្រោះថ្នាក់ (មានវីដេអូ)
អ្នកនាំពាក្យវិមានក្រឹមឡាំង លោក Dmitry Peskov បាននិយាយថា មានកត្តាជាច្រើន រួមទាំងសន្តិសុខផងដែរ នឹងសម្រេចថាតើ ប្រធានាធិបតីរុស្ស៊ី លោក វ្ល៉ាឌីមៀរ ពូទីន នឹងធ្វើដំណើរទៅប្រទេសឥណ្ឌូណេស៊ី សម្រាប់កិច្ចប្រជុំកំពូល G20 នៅខែវិច្ឆិកា ដែរឬទេ។
ប្រធានាធិបតីឥណ្ឌូណេស៊ីលោក Joko Widodo បានលើកឡើងកាលពីខែមុនថា ទាំងលោក ពូទីន និងសមភាគីចិន លោក ស៊ី ជីនពីង បានសន្យាថា នឹងចូលរួមដោយផ្ទាល់ក្នុងកិច្ចប្រជុំជាមួយមេដឹកនាំមកពីបណ្តាប្រទេសដែលមានសេដ្ឋកិច្ចធំជាងគេលើពិភពលោក ដែលនឹងធ្វើឡើងនៅលើកោះ បាលី។
ទោះបីជាយ៉ាងណាក៏ដោយ លោក Peskov បានបំភ្លឺកាលពីថ្ងៃអាទិត្យទី០៤ខែសីហាថា វិមានក្រឹមឡាំងមិនទាន់សម្រេចចិត្តទាក់ទងនឹងការចូលរួមរបស់លោកពូទីន នៅក្នុងកិច្ចប្រជុំកំពូលនេះទេ។
នៅពេលត្រូវបានសួរដោយទូរទស្សន៍ប៉ុស្តិ៍ Rossiya 1 ថាតើវាអាចមានគ្រោះថ្នាក់ទេសម្រាប់មេដឹកនាំរុស្ស៊ីក្នុងការធ្វើដំណើរទៅកាន់ប្រទេសឥណ្ឌូណេស៊ី ដោយសារតែជម្លោះកំពុងបន្តរវាងទីក្រុងមូស្គូ និងទីក្រុងកៀវ ដែលប្រទេសលោកខាងលិចគាំទ្រយ៉ាងលើសលប់ដល់ភាគីអ៊ុយក្រែន, អ្នកនាំពាក្យបានឆ្លើយតបថា “ក្នុងការសម្រេចចិត្តលើទម្រង់នៃការចូលរួមរបស់យើង កត្តាទាំងអស់នឹងត្រូវយកមកពិចារណា រួមទាំងកត្តាសុវត្ថិភាពផងដែរ”។
យ៉ាងណាក្តី លោក Peskov បានបញ្ជាក់ថា “មានការអញ្ជើញកម្រិតខ្ពស់បំផុតឲ្យលោក ពូទីន ចូលរួម។ យើងខ្ញុំសូមថ្លែងអំណរគុណចំពោះប្រទេសជាម្ចាស់ផ្ទះនៃកិច្ចប្រជុំកំពូលនាពេលខាងមុខនេះ”។
កាលពីខែកក្កដា ទីក្រុងមូស្គូ បានបញ្ជាក់ពីការចូលរួមរបស់លោកពូទីន ក្នុងកិច្ចប្រជុំកំពូលនៅកោះបាលី ប៉ុន្តែនិយាយថា ខ្លួនមិនទាន់ច្បាស់ទេថាតើ លោកនឹងចូលរួមដោយផ្ទាល់ឬតាមរយៈវីដេអូ។
ប្រសិនបើប្រធានាធិបតីរុស្ស៊ីទៅចូលរួមដោយផ្ទាល់មែននោះ កិច្ចប្រជុំកំពូលនៅកោះបាលី នឹងក្លាយជាលើកដំបូងហើយដែលលោក ពូទីន, លោក ស៊ី និងប្រធានាធិបតីអាមេរិក លោក ចូ បៃដិន ជួបមុខគ្នាដោយផ្ទាល់ ចាប់តាំងពីការចាប់ផ្តើមប្រតិបត្តិការយោធារបស់រុស្ស៊ីនៅអ៊ុយក្រែនកាលពីចុងខែកុម្ភៈ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក ស៊ី និង ពូទីន នឹងចូលរួមកិច្ចប្រជុំកំពូល G20 នៅកោះបាលី ក្នុងខែវិច្ឆិកា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?