ព័ត៌មានអន្ដរជាតិ
ទឹកជំនន់នៅ ប៉ាគីស្ថាន លេបត្របាក់សណ្ឋាគារ ១៥០ បន្ទប់គ្មានសល់
ទឹកជំនន់ដ៏ខ្លាំងក្លាបានលេបត្របាក់សណ្ឋាគារ ១៥០ បន្ទប់នៅខេត្ត Khyber Pakhtunkhwa ភាគខាងជើងប៉ាគីស្ថាន បន្ទាប់ពីប្រទេសអាស៊ីខាងត្បូងមួយនេះកំពុងរងគ្រោះពីមហន្តរាយធម្មជាតិមិនធ្លាប់មានពីមុនមក ។
ទឹកជំនន់ដែលហូរជន់លិចសណ្ឋាគារ New Honeymoon កើតឡើងប៉ុន្មានវិនាទីប៉ុណ្ណោះ បន្ទាប់ពីច្រាំងទន្លេ Swat នៅជិតសណ្ឋាគារមួយនេះតស៊ូនឹងកម្រិតទឹកឡើងខ្ពស់លែងជាប់ ក្រោយទប់ទល់នឹងទឹកជំនន់ក្នុងរយៈពេល ១ សប្ដាហ៍កន្លងមក ។
ប៉ុន្តែរហូតមកដល់ពេលនេះ មិនមាននរណាម្នាក់រងរបួសនោះទេ ចាប់តាំងពីការជម្លៀសមនុស្សចេញពីសណ្ឋាគារ ១៥០ បន្ទប់ក្នុងខេត្ត Khyber Pakhtunkhwa ខណៈគិតត្រឹមចុងខែសីហា ១ ភាគ ៣ នៃប្រទេសប៉ាគីស្ថានគឺស្ថិតនៅក្រោមទឹក ហើយមនុស្សរាប់លាននាក់ត្រូវបានផ្លាស់ទីលំនៅ ។
ភ្លៀងមូសុងដ៏ខ្លាំងក្លាបានចាប់ផ្តើមក្នុងខែមិថុនា ពោលលឿនជាងធម្មតាសម្រាប់ប៉ាគីស្ថាន ខណៈដែលចំនួនអ្នកស្លាប់ ដោយសារទឹកជំនន់ដែលមិនធ្លាប់មានពីមុនមកនៅក្នុងប្រទេសអាស៊ីខាងត្បូងមួយនេះបានកើនឡើងដល់ ១,៣១៤ នាក់ហើយ គិតត្រឹមថ្ងៃទី ៤ ខែកញ្ញា ឆ្នាំ២០២២ ។
ដោយមើលឃើញពីសោកនាដកម្មបែបនេះ អង្គការសហប្រជាជាតិ (UN) បានអំពាវនាវរកជំនួយអន្តរជាតិចំនួន ១៦០ លានដុល្លារសម្រាប់ប្រទេសប៉ាគីស្ថាន ហើយរហូតមកដល់ពេលនេះ ប្រទេសចិនបានសន្យាផ្តល់ជំនួយចំនួន ៤០០ លានយ័ន (៥៨ លានដុល្លារអាមេរិក) សម្រាប់កិច្ចខិតខំប្រឹងប្រែងជួយសង្គ្រោះ ខណៈកងទ័ពរំដោះប្រជាជនក៏បានប្រគល់តង់ចំនួន ៣,០០០ ដល់ទីក្រុង Karachi ភាគខាងត្បូងផងដែរ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ SCMP
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង