ព័ត៌មានអន្ដរជាតិ
រុស្ស៊ី ប្រកាសមិនផ្គត់ផ្គង់ឧស្ម័នទៅ អឺរ៉ុប រហូតដល់ទណ្ឌកម្មដកចេញ (មានវីដេអូ)
វិមានក្រឹមឡាំងនិយាយកាលពីថ្ងៃចន្ទទី០៥ខែកញ្ញាថា ការផ្គត់ផ្គង់ឧស្ម័នរបស់រុស្ស៊ីទៅកាន់អឺរ៉ុប នឹងមិនបន្តឡើងវិញឡើយ រហូតដល់ទណ្ឌកម្មប្រឆាំងនឹងទីក្រុងមូស្គូ ត្រូវបានដកចេញ។
យោងតាមវិមានក្រឹមឡាំង, ការដាក់ទណ្ឌកម្មរបស់លោកខាងលិច គឺជាហេតុផលតែមួយគត់នៅពីក្រោយការសម្រេចចិត្តរបស់រុស្ស៊ី ក្នុងការបិទបំពង់បង្ហូរ Nord Stream 1។
អ្នកនាំពាក្យវិមានក្រឹមឡាំង លោក Dmitry Peskov ត្រូវបានដកស្រង់សម្តីដោយទីភ្នាក់ងារសារព័ត៌មាន Interfax ដែលនិយាយថា “បញ្ហាបូមឧស្ម័ន បានកើតឡើងដោយសារតែការដាក់ទណ្ឌកម្មប្រឆាំងនឹងប្រទេសរបស់យើង និងប្រឆាំងនឹងក្រុមហ៊ុនមួយចំនួន ដោយរដ្ឋលោកខាងលិច រួមទាំងអាល្លឺម៉ង់ និងចក្រភពអង់គ្លេសផងដែរ។ មិនមានហេតុផលផ្សេងទៀត ដែលអាចបង្កឲ្យមានបញ្ហាបូមនេះទេ”។
ការអត្ថាធិប្បាយរបស់លោក Peskov បានកើតឡើងចំពេលវិបត្តិថាមពលនៅទូទាំងទ្វីបអឺរ៉ុបកាន់តែធ្ងន់ធ្ងរឡើងៗ បន្ទាប់ពីក្រុមហ៊ុនថាមពលរដ្ឋរបស់រុស្ស៊ី Gazprom បានប្រកាសកាលពីថ្ងៃសុក្រសប្តាហ៍មុនថា ការងារថែទាំរយៈពេលបីថ្ងៃ ដោយសារតែការលេចធ្លាយប្រេងនៅក្នុងទួរប៊ីនបំពង់បង្ហូរមួយ នឹងពន្យារពេលដោយគ្មានកំណត់។
គួរបញ្ជាក់ថា បំពង់បង្ហូរឧស្ម័ន Nord Stream 1 ដែលបានដំណើរការតាំងពីឆ្នាំ ២០១១មក គឺជាបំពង់បង្ហូរឧស្ម័នដ៏ធំបំផុតតែមួយគត់ ដែលបញ្ជូនឧស្ម័នរវាងរុស្ស៊ី និងអឺរ៉ុបខាងលិច៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)