Connect with us

ព័ត៌មានអន្ដរជាតិ

ចិន នឹងដាក់ទណ្ឌកម្មក្រុមហ៊ុន អាមេរិក ជុំវិញការលក់អាវុធឲ្យ តៃវ៉ាន់

បានផុស

នៅ

អ្នកនាំពាក្យក្រសួងការបរទេសចិនលោកស្រី Mao Ning បាននិយាយកាលពីថ្ងៃសុក្រថា ប្រទេសចិននឹងដាក់ទណ្ឌកម្មលើនាយកប្រតិបត្តិនៃក្រុមហ៊ុន Boeing Defense និង Raytheon ជុំវិញការជាប់ពាក់ព័ន្ធរបស់ពួកគេក្នុងការលក់អាវុធចុងក្រោយបង្អស់របស់ទីក្រុងវ៉ាស៊ីនតោនទៅកាន់កោះតៃវ៉ាន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់ទណ្ឌកម្មលើ CEO របស់ក្រុមហ៊ុន Boeing Defense លោក Ted Colbert រួមជាមួយលោក Gregory Hayes ថៅកែក្រុមហ៊ុន Raytheon Technologies Corp គឺឆ្លើយតបទៅនឹងការយល់ព្រមពីក្រសួងការបរទេសសហរដ្ឋអាមេរិកកាលពីថ្ងៃទី ២ ខែកញ្ញា លើការលក់ឧបករណ៍យោធាទៅឲ្យតៃវ៉ាន់ ។

លោកស្រី Mao បាននិយាយថា “លោក Colbert និងលោក Hayes នឹងត្រូវបានដាក់ទណ្ឌកម្មដើម្បីការពារអធិបតេយ្យភាព និងផលប្រយោជន៍សន្តិសុខរបស់ប្រទេសចិន ដោយសារតែការចូលរួមរបស់ពួកគេក្នុងការលក់អាវុធទាំងនេះ” ។

ការលក់ទាំងនោះរួមមានកាំជ្រួចមីស៊ីលប្រឆាំងនាវាចំនួន ៦០ ដើម និងកាំជ្រួចមីស៊ីលបាញ់ពីអាកាសចំនួន ១០០ ដើម ដែលក្នុងនោះសុទ្ធតែមានអ្នកម៉ៅការសំខាន់ដូចជាក្រុមហ៊ុន Boeing Defense និងក្រុមហ៊ុន Raytheon ជាដើម ។

គួរបញ្ជាក់ថា មន្ទីរបញ្ចកោណបានប្រកាសការលក់កញ្ចប់អាវុធនេះ បន្ទាប់ពីការធ្វើសមយុទ្ធយោធាយ៉ាងគឃ្លើនរបស់ចិននៅជុំវិញកោះតៃវ៉ាន់ បន្ទាប់ពីដំណើរទស្សនកិច្ចកាលពីមួយខែមុនដោយប្រធានសភាអាមេរិកលោកស្រី Nancy Pelosi ជាមន្ត្រីជាន់ខ្ពស់របស់សហរដ្ឋអាមេរិកដែលធ្វើដំណើរទៅកាន់ទីក្រុងតៃប៉ិក្នុងរយៈពេលជាច្រើនឆ្នាំកន្លងមកនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Reuters

ចុចអាន ៖ លោក ស៊ី ជីនពីង ថាត្រូវទប់ស្កាត់ដាច់ខាត “បដិវត្តន៍ពណ៌” ពីកងកម្លាំងខាង​ក្រៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទី មុន

ចិន នឹងដាក់ទណ្ឌកម្មក្រុមហ៊ុន អាមេរិក ជុំវិញការលក់អាវុធឲ្យ តៃវ៉ាន់

ព័ត៌មានអន្ដរជាតិ១ ម៉ោង មុន

អ៊ីតាលី ជួបគ្រោះមហន្តរាយទឹកជំនន់ កំពុងសម្លាប់មនុស្សច្រើននាក់ (មានវីដេអូ)

ព័ត៌មានជាតិ១ ម៉ោង មុន

អាជ្ញាធរខេត្តកណ្តាល ចុះផ្អាកសំណង់អគារកម្ពស់ ៥ ជាន់ សាងសង់ខុសបច្ចេកទេស និងគ្មានច្បាប់

ព័ត៌មានជាតិ១ ម៉ោង មុន

ក្រុមគ្រូពេទ្យស្ម័គ្រចិត្តយុវជនសម្ដេចតេជោ ចុះពិនិត្យព្យាបាលជំងឺជូនពលរដ្ឋចំនួន ៣០០០នាក់ ដោយឥតគិតថ្លៃ

ព័ត៌មានជាតិ១ ម៉ោង មុន

កម្ពុជា ផ្តល់បទពិសោធន៍ការគ្រប់គ្រងជំងឺកូវីដ-១៩បានល្អប្រសើរ ដល់បណ្តាប្រទេសក្នុង​តំបន់អាស៊ីប៉ាស៊ីហ្វិក

Sokha Hotels

ព័ត៌មានពេញនិយម