ព័ត៌មានអន្ដរជាតិ
នាយករដ្ឋមន្ត្រីថ្មីរបស់ អង់គ្លេស បង្ហាញកញ្ចប់ទឹកប្រាក់ផ្ដល់ឲ្យ អ៊ុយក្រែន ក្នុងឆ្នាំ ២០២៣
នាយករដ្ឋមន្ត្រីថ្មីរបស់អង់គ្លេសលោកស្រី Liz Truss នឹងប្រាប់មេដឹកនាំពិភពលោកថា ការគាំទ្ររបស់ចក្រភពអង់គ្លេសសម្រាប់កិច្ចខិតខំប្រឹងប្រែងសង្រ្គាមអ៊ុយក្រែននៅឆ្នាំ ២០២៣ នឹងមានទំហំទឹកប្រាក់ ២.៦៣ ពាន់លានដុល្លារ ។
កាសែត Financial Times បានរាយការណ៍នៅថ្ងៃអង្គារនេះថា លោកស្រី Truss នឹងផ្តល់សារមិនគួរឲ្យជឿរបស់ចក្រភពអង់គ្លេសនៃការបន្តផ្ដល់ជំនួយយោធាដ៏ច្រើនសន្ធឹកសន្ធាប់ដល់ទីក្រុងកៀវ ក្នុងអំឡុងពេលដំណើរទស្សនកិច្ចទៅកាន់សហរដ្ឋអាមេរិក ជាកន្លែងដែលលោកស្រីគ្រោងនឹងថ្លែងទៅកាន់មហាសន្និបាតអង្គការសហប្រជាជាតិ (UNGA) នៅទីក្រុងញូវយ៉កនៅថ្ងៃពុធ ។
កាសែត Financial Times បានរាយការណ៍ទៀតថា “លោកស្រី Truss បានសន្យាជាមួយប្រជាជនអ៊ុយក្រែនថា ចក្រភពអង់គ្លេសនឹងបន្តនៅពីក្រោយអ៊ុយក្រែនគ្រប់ជំហាន ទោះស្ថិតក្នុងកាលៈទេសៈណាក៏ដោយ” ។
ស្របពេលជាមួយគ្នានេះវិមាន Downing Street ក៏បានប្រាប់កាសែត Financial Times ផងដែរថា ការប្តេជ្ញាចិត្តរបស់ទីក្រុងឡុងដ៍ចំពោះរដ្ឋាភិបាលទីក្រុងកៀវក្នុងឆ្នាំ ២០២២ នេះក៏មានទំហំទឹកប្រាក់ចំនួន ២.៦៣ ពាន់លានដុល្លារផងដែរ ហើយបានធ្វើឲ្យចក្រភពអង់គ្លេសក្លាយជាអ្នកផ្តល់ជំនួយយោធាធំបំផុតទី ២ ដល់អ៊ុយក្រែន ។
យោងតាមរបាយការណ៍បានឲ្យដឹងថា ជំនួយយោធារបស់ចក្រភពអង់គ្លេសបានពាក់ព័ន្ធនឹងការផ្តល់រ៉ុកកែតរាប់រយគ្រាប់ រថពាសដែកចំនួន ១២០ គ្រឿង ប្រព័ន្ធការពារដែនអាកាសចំនួន ៥ គ្រឿង ហើយកងទ័ពអ៊ុយក្រែនប្រមាណ ២៧,០០០ នាក់ត្រូវបានបណ្តុះបណ្តាលដោយកងកម្លាំងចក្រភពអង់គ្លេស ចាប់តាំងពីឆ្នាំ ២០១៥ មក ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera

-
ព័ត៌មានជាតិ១ សប្តាហ៍ ago
សពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ៣ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម១ សប្តាហ៍ ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៦ ថ្ងៃ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ១ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សន្តិសុខសង្គម១ សប្តាហ៍ ago
តុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៤ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ