ព័ត៌មានអន្ដរជាតិ

លោក Zelensky ឲ្យជម្រើស ២ ទៅទាហាន រុស្ស៊ី (មានវីដេអូ)

បានផុស

៤ years មុន

នៅ

ថ្ងៃអង្គារ ២០ កញ្ញា ២០២២

ដោយ

លោកប្រធានាធិបតី Volodymyr Zelensky បាននិយាយកាលពីថ្ងៃចន្ទថា កងទ័ពអ៊ុយក្រែនកំពុងរៀបចំសម្រាប់ “ការទទួលជ័យជម្នះជាបន្តបន្ទាប់” ហើយបានព្រមានទាហានរុស្ស៊ីក្នុងប្រទេសរបស់លោកថា ពួកគេមានជម្រើសតែ ២ ប៉ុណ្ណោះគឺរត់គេចខ្លួន ឬចុះចាញ់ ។

លោក Zelensky បាននិយាយនៅក្នុងសារបង្ហោះលើបណ្ដាញ Telegram ថា “កងកម្លាំងអ៊ុយក្រែនកំពុងធ្វើអ្វីគ្រប់យ៉ាងដើម្បីឲ្យកងកម្លាំងរុស្ស៊ីមានអារម្មណ៍ថាមានការឆ្លើយតបរបស់អ៊ុយក្រែនចំពោះអំពើភេរវកម្មដ៏អាក្រក់របស់ពួកគេ” ។

លោកបានបន្ថែមថា ”នៅទូទាំងទឹកដីដែលកាន់កាប់ជាបណ្ដោះអាសន្នរបស់អ៊ុយក្រែន ចាប់ពីតំបន់ Crimea ដល់តំបន់ Kharkiv គឺឥឡូវនេះកងទ័ពរុស្ស៊ីមិនមានវត្តមាននោះទេ ហើយនឹងមិនមានមូលដ្ឋានសុវត្ថិភាពណាមួយរបស់កងកម្លាំងទីក្រុងមូស្គូផងដែរ” ។

លោកប្រធានាធិបតីបានព្រមានថា “អ្នកការពាររបស់យើងនឹងបំផ្លាញឃ្លាំងសម្ភារៈទាំងអស់របស់រុស្ស៊ី រួមទាំងទីស្នាក់ការកណ្តាល ក៏ដូចជាគ្រប់ទីកន្លែងដែលពួកគេស្ថិតនៅ ព្រោះថានេះគឺជាទឹកដីអ៊ុយក្រែន ហើយកងទ័ពរុស្ស៊ីអាចធ្វើបានតែរឿង ២ ប៉ុណ្ណោះ គឺរត់គេចខ្លួន ឬចុះចាញ់ ដោយសារតែពួកគេគ្មានជម្រើសអ្វីផ្សេងពីនេះនោះទេ“ ។

ជាចុងក្រោយលោក Zelensky បានចោទប្រកាន់រុស្ស៊ីថា កំពុងបង្កគ្រោះថ្នាក់ដល់ពិភពលោកទាំងមូល ជាពិសេសគឺការវាយប្រហារដោយកាំជ្រួចមីស៊ីលលើទីតាំងមួយនៅតំបន់ Mykolaiv ភាគខាងត្បូង រួមទាំងអគាររោងចក្រនុយក្លេអ៊ែរ Pivdennoukrainsk ជារោងចក្រធំជាងគេទី ២ របស់អ៊ុយក្រែន ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើប្រទេសណាខ្លះហើយទទួលបានការនាំចេញស្បៀងអាហារពី អ៊ុយក្រែន?

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា