ព្យុះត្រូពិក Noru នឹងឆ្ពោះទៅវាយប្រហារប្រទេសថៃ និងវៀតណាម

យោងតាមនាយកដ្ឋានឧតុនិយមបានឲ្យដឹងថា ព្យុះត្រូពិក Noru កំពុងកកើតនៅក្នុងមហាសមុទ្រប៉ាស៊ីហ្វិក ហើយនឹងធ្វើដំណើរឆ្ពោះទៅកាន់ប្រទេសថៃ។

តាមការព្យាករណ៍, ព្យុះ Noru នឹងបណ្តាលឲ្យមានភ្លៀងធ្លាក់ខ្លាំង និងរាយប៉ាយ នៅតំបន់ភាគខាងជើង និងភាគឦសានប្រទេសថៃ ចាប់ពីថ្ងៃអង្គារទី២៧ ដល់ថ្ងៃព្រហស្បតិ៍ ទី២៩ ខែកញ្ញា។

ដោយឡែក ពេលនេះ ព្យុះ Noru ត្រូវ​បាន​គេ​រំពឹង​ថា នឹងបង្កឲ្យមានការបាក់ដី​ក្នុង​ប្រទេស​ហ្វីលីពីន មុន​ពេល​បោកបក់ឆ្លង​កាត់​សមុទ្រ​ចិន​ខាង​ត្បូង ​នៅ​ថ្ងៃ​អាទិត្យទី២៥ខែកញ្ញា ស្អែកនេះ។

ព្យុះ Noru ក៏នឹងវាយប្រហារប្រទេសវៀតណាមផ្នែកខាងលើ និងភាគខាងជើង ផងដែរ។

ប្រជាពលរដ្ឋនៅខេត្តភាគខាងជើង និងភាគឦសានប្រទេសថៃ ត្រូវបានគេព្រមានឲ្យត្រៀមខ្លួនទប់ទល់នឹងភ្លៀងធ្លាក់ខ្លាំង ហើយអាចនឹងមានជំនន់ទឹកភ្លៀងក្នុងសប្តាហ៍នេះ ជាពិសេសនៅតំបន់ទំនាប និងក្បែរមាត់ទន្លេ៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ ជម្លៀសមនុស្សជាង ១ពាន់នាក់នៅដៃទន្លេមេគង្គ បន្ទាប់ពីទឹក ហក់ឡើងផុតច្រាំង