ព័ត៌មានអន្ដរជាតិ
លោក Biden៖ ព្យុះសង្ឃរា Ian អាចជាព្យុះសម្លាប់មនុស្សច្រើនបំផុត ក្នុងប្រវត្តិសាស្រ្តរដ្ឋ Florida
ទោះបីជាចំនួនអ្នកស្លាប់នាពេលបច្ចុប្បន្ននេះនៅតែមិនទាន់មានការបញ្ជាក់ច្បាស់ក៏ដោយ ប៉ុន្តែគេភ័យខ្លាចថា មនុស្សដល់ទៅរាប់រយនាក់ឯណោះ អាចបាត់បង់ជីវិតដោយសារព្យុះ Ian ដែលវាយប្រហាររដ្ឋ Florida កាលពីយប់ថ្ងៃពុធ។
ព្យុះនេះ ក៏បានបណ្តាលឲ្យមនុស្សជាង ២.៦ លាននាក់គ្មានអគ្គិសនីប្រើប្រាស់ និងមនុស្សជាច្រើននាក់ ត្រូវជាប់គាំងរង់ចាំការជួយសង្គ្រោះផងដែរ។
ព្យុះនេះបានរក្សាកម្លាំងខ្យល់បក់យ៉ាងខ្លាំង រយៈពេលជាច្រើនម៉ោង រហូតដល់វាត្រូវបានបន្ទាបទៅជាព្យុះត្រូពិក ជាមួយនឹងល្បឿនខ្យល់ ១០៤គីឡូម៉ែត្រក្នុងមួយម៉ោង នៅភាគខាងត្បូងទីក្រុង Orlando។
នៅឯទីស្នាក់ការកណ្តាលរបស់ ទីភ្នាក់ងារគ្រប់គ្រងគ្រាអាសន្នសហព័ន្ធ (FEMA) កាលពីថ្ងៃព្រហស្បតិ៍ទី២៩ខែកញ្ញា ប្រធានាធិបតីសហរដ្ឋអាមេរិក លោក Joe Biden បានប្រកាសជាផ្លូវការថា ព្យុះ Ian គឺជាគ្រោះមហន្តរាយដ៏ធំមួយ ហើយព្រមានថា Ian អាចជាព្យុះសម្លាប់មនុស្សច្រើនបំផុត នៅក្នុងប្រវត្តិសាស្រ្តរបស់រដ្ឋ Florida។
ស្របពេលជាមួយគ្នានោះ ក្នុងកម្មវិធី Good Morning America, តម្រួតតំបន់ Lee County លោក Carmine Marceno បាននិយាយថា អាចមានអ្នកស្លាប់ រាប់រយនាក់ ខណៈមនុស្សរាប់ពាន់នាក់ នៅតែរង់ចាំការជួយសង្គ្រោះ។
គិតត្រឹមម៉ោង៣រសៀលថ្ងៃព្រហស្បតិ៍ (ពេលវេលានៅអាមេរិក) ព្យុះ Ian បានកាត់ផ្តាច់អគ្គិសនីដល់អតិថិជនជាង ២.៦ លាននាក់នៅរដ្ឋ Florida ពោលគឺស្មើនឹងប្រហែល ២៤% នៃអតិថិជនសរុបរបស់រដ្ឋនេះ។
គួរបញ្ជាក់ថា ព្យុះសង្ឃរា Ian បានបោកបក់លើប្រទេសគុយបាមុនគេ ដែលបណ្តាលឲ្យមានការដាច់ចរន្តអគ្គិសនីទាំងស្រុងនៅក្នុងប្រទេសនេះ កាលពីថ្ងៃអង្គារ។
ស្របពេលជាមួយគ្នានោះ នៅទីក្រុង Puerto Rico កិច្ចខិតខំប្រឹងប្រែងបោសសម្អាតទ្រង់ទ្រាយធំនៅតែបន្ត បន្ទាប់ពីខ្យល់ព្យុះ វាយប្រហារកោះ Caribbean មួយនេះកាលពីសប្តាហ៍មុន៕
ប្រែសម្រួល៖ Vann Vann
ប្រភព៖ Sputnik
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង