ព័ត៌មានអន្ដរជាតិ

ក្រៅពី កម្ពុជា ប្រទេសអាស៊ាន ២ ទៀតក៏នឹងធ្វើជាម្ចាស់ផ្ទះកិច្ចប្រជុំកំពូលអន្តរជាតិធំៗឆ្នាំនេះ

បានផុស

១ year មុន

នៅ

ថ្ងៃព្រហស្បតិ៍ ១០ វិច្ឆិកា ២០២២

ដោយ

ក្រៅពីកម្ពុជាដែលកំពុងធ្វើជាម្ចាស់ផ្ទះនៃកិច្ចប្រជុំកំពូលអាស៊ានលើកទី ៤០ និង ៤១ ក៏ដូចជាកិច្ចប្រជុំពាក់ព័ន្ធ ក្នុងនោះ ប្រជាជាតិអាស៊ីអាគ្នេយ៍ (អាស៊ាន) ២ ទៀតរួមមាន ថៃ និងឥណ្ឌូណេស៊ី ក៏នឹងធ្វើជាម្ចាស់ផ្ទះនៃកិច្ចប្រជុំកំពូលអន្តរជាតិធំៗដូចជា វេទិកាសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) និងក្រុមប្រទេស G20 នៅសប្ដាហ៍ខាងមុខនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាបានរៀបចំកិច្ចកិច្ចប្រជុំកំពូលអាស៊ានជាមួយនឹងកងកម្លាំងសន្តិសុខជាង ១ ម៉ឺននាក់កំពុងប្រុងជើងការខ្ពស់នៅក្នុងរាជធានីភ្នំពេញ ខណៈមេដឹកនាំកំពូលៗមកពីជុំវិញតំបន់អាស៊ីដូចជា លោកនាយករដ្ឋមន្ត្រីជប៉ុន Kishida Fumio, លោក Yoon Suk-yeol ប្រធានាធិបតីកូរ៉េខាងត្បូង ក៏ដូចជា នាយករដ្ឋមន្ត្រីចិនលោក Li Keqiang ជាពិសេសលោក Joe Biden ប្រធានាធិបតីអាមេរិក នឹងចូលរួមកិច្ចប្រជុំកំពូលនេះផងដែរ ។

ដោយឡែក ប្រទេសឥណ្ឌូណេស៊ីនឹងធ្វើជាម្ចាស់ផ្ទះនៃកិច្ចប្រជុំកំពូល G20 នៅកោះបាលីនាថ្ងៃទី ១៥ និងថ្ងៃទី ១៦ ខែវិច្ឆិកា ដែលវាជាលើកដំបូងសម្រាប់ទីក្រុងហ្សាកាតាសម្រាប់ការធ្វើជាម្ចាស់ផ្ទះកិច្ចប្រជុំមួយនេះ ។

ទន្ទឹមនឹងនោះ នៅប្រទេសថៃវិញ អាជ្ញាធរកំពុងរឹតបន្តឹងសន្តិសុខសម្រាប់កិច្ចប្រជុំ APEC ដែលធ្វើឡើងនៅថ្ងៃទី១៨ និងទី ១៩ ខែវិច្ឆិកា សប្តាហ៍ក្រោយនេះ ខណៈការប្រុងជើងការខ្ពស់នៅឯកន្លែងសន្និសីទក្នុងទីក្រុងបាងកក រួមមាន សត្វឆ្កែហិតគ្រាប់បែក និងការត្រួតពិនិត្យឥវ៉ាន់ដោយមនុស្សយន្តជាដើម ។

ចំពោះការបង្កើនសន្តិសុខនេះដែរ ប៉ូលិសថៃក៏បានប្រកាសពីការចាប់ខ្លួនមនុស្សជាង ៦០,០០០ នាក់ផងដែរ ក្នុងអំឡុងពេលការបង្រ្កាបគ្រឿងញៀន និងអាវុធខុសច្បាប់រយៈពេលមួយខែមកនេះ ហើយបានរឹបអូសអាវុធ និងគ្រឿងផ្ទុះរាប់ពាន់គ្រាប់ ។

ការបង្ក្រាបដើម្បីការពារសន្តិសុខនេះកើតឡើង បន្ទាប់ពីហេតុការណ៍សម្លាប់រង្គាលនៅមជ្ឈមណ្ឌលថែទាំកុមារកាលពីខែមុន ដែលបណ្ដាលឲ្យមនុស្ស ៣៦ នាក់ស្លាប់ ហើយភាគច្រើនគឺជាកុមារ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ព្រះចៅស៊ុលតង់ ព្រុយណេ យាងបើកយន្តហោះដោយអង្គឯងផ្ទាល់ ចូលរួមកិច្ចប្រជុំអាស៊ាននៅ កម្ពុជា