អាមេរិក នឹងទិញគ្រាប់កាំភ្លើងធំរបស់កូរ៉េខាងត្បូង ១០ម៉ឺនគ្រាប់ ផ្តល់ឲ្យអ៊ុយក្រែន (មានវីដេអូ)

សហរដ្ឋអាមេរិក នឹងទិញគ្រាប់កាំភ្លើងធំ Howitzer ចំនួន ១០០ ០០០គ្រាប់ ពីក្រុមហ៊ុនផលិតរបស់កូរ៉េខាងត្បូង ដើម្បីផ្គត់ផ្គង់ទៅឲ្យប្រទេសអ៊ុយក្រែន នៅក្នុងកិច្ចព្រមព្រៀងមួយ ដែលរដ្ឋាភិបាលទាំងពីរបានធ្វើការជាមួយគ្នា មួយរយៈមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចព្រមព្រៀងនេះកើតឡើង ចំពេលមេដឹកនាំអ៊ុយក្រែនអំពាវនាវសុំអាវុធ និងជំនួយបន្ថែមទៀត ដើម្បីទាញយកប្រយោជន៍ពីការវាយបកតបតដែលរុញច្រានកងកម្លាំងរុស្ស៊ី ឲ្យចេញពីតំបន់មួយចំនួនដែលពួកគេធ្លាប់កាន់កាប់នៅដើមជម្លោះ។

ក្នុងសេចក្តីថ្លែងការណ៍មួយ ក្រសួងការពារជាតិកូរ៉េខាងត្បូង បានទទួលស្គាល់កិច្ចពិភាក្សាដែលកំពុងបន្តលើការនាំចេញគ្រាប់កាំភ្លើងធំ១៥៥មិល្លីម៉ែត្រ ក្នុងចំនួនមិនបានបញ្ជាក់។

កាលពីសប្តាហ៍មុន មន្ត្រីការពារជាតិបាននិយាយនៅក្នុងសន្និសីទសារព័ត៌មានខ្លីមួយថា ប្រទេសអ៊ុយក្រែន បានបាញ់កាំភ្លើងធំរហូតដល់ទៅ ៧០០០គ្រាប់ក្នុងមួយថ្ងៃ ខណៈរុស្ស៊ី បាញ់រហូតដល់២០០០០គ្រាប់ជារៀងរាល់ថ្ងៃ។

ទោះបីជាយ៉ាងណាក៏ដោយ មន្ត្រី​រូបនេះបាន​និយាយ​ក្នុង​លក្ខខណ្ឌ​មិន​បញ្ចេញ​ឈ្មោះ ​ព្រោះ​ព័ត៌មាន​លម្អិត​នៃ​កិច្ចព្រមព្រៀងនេះ​មិន​ត្រូវ​បាន​ផ្សព្វផ្សាយ​ជា​សាធារណៈ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ TRT

ចុចអាន៖ អាមេរិក ប៉ាន់ស្មានចំនួនទាហានស្លាប់ទាំងសងខាង ក្នុងសង្គ្រាម រុស្ស៊ី-អ៊ុយក្រែន