យន្តហោះពីរគ្រឿងបុកគ្នាពេញទំហឹង ក្នុងពិធីពិព័រណ៍យន្តហោះ រំលឹកខួបសង្រ្គាមលោកលើកទី២

យន្តហោះយោធាបុរាណពីរគ្រឿងបានបុកគ្នាយ៉ាងពេញទំហឹងនៅកណ្តាលអាកាស កាលពីថ្ងៃសៅរ៍ ទី១២ ខែវិច្ឆិកា នៅក្នុងពិធីពិព័រណ៍យន្តហោះ រំលឹកខួបសង្គ្រាមលោកលើកទី២ នៅទីក្រុងដាឡាស រដ្ឋតិចសាស សហរដ្ឋអាមេរិក។

មន្ត្រីសហព័ន្ធ បានឱ្យដឹងថា ក្រោយឧបទ្ទវហេតុយន្តហោះទាំងពីរបានធ្លាក់ដល់ដី រួចផ្ទុះបង្កជាអណ្តាតភ្លើងឆាបឆេះ ខណៈពេលនេះគេ​មិន​ទាន់​ដឹង​ថា​មាន​មនុស្ស​ប៉ុន្មាន​នាក់​រង​របួស ឬ​ស្លាប់​នោះ​ទេ សូម្បីនាវិក ឬមនុស្សប៉ុន្មាននាក់នៅលើនោះ ​ក៏មិនមានអ្នកដឹងច្បាស់នៅឡើយ។

ជាមួយគ្នាដែរ រដ្ឋបាលអាកាសចរណ៍សហព័ន្ធ (FAA) បានបញ្ជាក់ថា ឧបទ្ទវហេតុនៅព្រឹកថ្ងៃសៅរ៍ម្សិលមិញ គឺជាការប៉ះទង្គិចដ៏ធ្ងន់ធ្ងររវាងយន្តហោះទម្លាក់គ្រាប់បែក Boeing B-17 Flying Fortress សម័យសង្គ្រាមលោកលើកទី២ និងយន្តហោះចម្បាំង Bell P-63 Kingcobra ដែលកំពុងហោះហើរនៅឯ Wings Over Dallas Airshow នៅអាកាសយានដ្ឋានប្រតិបត្តិ Dallas ។

ពេលនេះ ទាំង FAA និងក្រុមប្រឹក្សាសុវត្ថិភាពដឹកជញ្ជូនជាតិ (NTSB) កំពុងស៊ើបអង្កេតលើករណីនេះ៕

ប្រែសម្រួល៖ សន្យា

ប្រភព៖ CNA

ចុចអាន៖ យានអវកាស អាមេរិក បំបែកកំណត់ត្រាប្រវត្តិសាស្ត្រ ក្រោយគោចរជុំវិញផែនដីជាង ២ឆ្នាំ