ឥណ្ឌូណេស៊ី ស្វាគមន៍លោក បៃដិន ជាមួយរបាំប្រពៃណីដល់ព្រលានយន្តហោះ

លោកប្រធានាធិបតី ចូ បៃដិន បានទៅដល់កោះបាលី កាលពីល្ងាចថ្ងៃអាទិត្យ មុនកិច្ចប្រជុំជាមួយប្រធានាធិបតីចិនលោក ស៊ី ជីនពីង នៅថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនចាកចេញពីប្រទេសកម្ពុជា​ លោក បៃដិន បានប្រាប់មេដឹកនាំអាស៊ីថា ខ្សែទំនាក់ទំនងរបស់សហរដ្ឋអាមេរិកជាមួយចិន នឹងបើកចំហរដើម្បីការពារជម្លោះ។

លោក បៃដិន បានទៅដល់ប្រទេសឥណ្ឌូណេស៊ី សម្រាប់កិច្ចប្រជុំកំពូល G20 នៅលើកោះបាលី ដែលនេះជាកិច្ចប្រជុំកំពូលលើកទីបីរបស់លោក ក្នុងដំណើរជុំវិញពិភពលោក។

ពេលទៅដល់​ លោកត្រូវ​បាន​ស្វាគមន៍​ដោយក្រុមរបាំស្លៀកពាក់ចម្រុះពណ៌យ៉ាងស្រស់ស្អាត ដែលបានរាំរបាំប្រពៃណីរបស់ឥណ្ឌូណេស៊ី។

ប៉ុន្មានម៉ោងមុនការទៅដល់ប្រទេសឥណ្ឌូណេស៊ី លោកបានប្រាប់មេដឹកនាំអាស៊ីអាគ្នេយ៍នៅកម្ពុជាថា សហរដ្ឋអាមេរិកនឹងប្រកួតប្រជែងយ៉ាងខ្លាំងក្លាជាមួយទីក្រុងប៉េកាំង តែធានាថា ការប្រកួតប្រជែងមិនក្លាយជាជម្លោះនោះទេ។

ជំនួបជាមួយលោក ស៊ី ដែលជាជំនួបទល់មុខលើកដំបូងរវាងមេដឹកនាំទាំងពីរ ចាប់តាំងពីលោក បៃដិន ក្លាយជាប្រធានាធិបតីសហរដ្ឋអាមេរិក គឺជាផ្នែកដ៏សំខាន់បំផុតនៃការធ្វើដំណើររយៈពេលមួយសប្តាហ៍របស់លោក បៃដិន។

ភាគីទាំងពីរ ចង់សម្រួលស្ថានការណ៍និងពង្រឹងទំនាក់ទំនងឡើងវិញ បន្ទាប់ពីជាប់គាំងអស់រយៈពេលពីរឆ្នាំ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី បង្ហាញមូលហេតុដែលលោក ពូទីន មិនចូលរួមកិច្ចប្រជុំ G20