ព័ត៌មានអន្ដរជាតិ

ឧទ្ធម្ភាគចក្រមួយគ្រឿងហោះមកសង្គ្រោះគ្រួសារ អូស្ត្រាលី ចេញពីទឹកជំនន់

បានផុស

៤ years មុន

នៅ

ថ្ងៃព្រហស្បតិ៍ ១៧ វិច្ឆិកា ២០២២

ដោយ

នៅក្នុងវីដេអូដ៏គួរឲ្យរន្ធត់មួយបានបង្ហាញពី ប្ដីប្រពន្ធ និងកូនរបស់ពួកគេ រួមទាំងសត្វឆ្កែ ២ ក្បាលដែលរស់នៅក្នុងរដ្ឋ New South Wales ត្រូវបានជួយសង្គ្រោះពីទឹកជំនន់ទាន់ពេលវេលាដោយក្រុមនាវិកឧទ្ធម្ភាគចក្រសង្គ្រោះ Life Flight ខណៈក្រោយមក ពួកគេត្រូវបាននាំទៅកាន់កន្លែងសុវត្ថិភាពនៅឯមជ្ឈមណ្ឌលជម្លៀសក្នុងតំបន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រួសារអូស្ត្រាលីមួយនេះបានជាប់នៅក្នុងផ្ទះរបស់ពួកគេ ដោយសារតែទឹកជំនន់វាយប្រហារខ្លាំងពេក ហើយស្ទើរតែគ្មានសង្ឃឹមថា នឹងអាចគេចចេញពីតំបន់ដែលរងផលប៉ះពាល់ដ៏អាក្រក់បំផុតនេះផងដែរ ។

ពួកគេស្ថិតក្នុងចំណោមមនុស្សរាប់ពាន់នាក់ដែលផ្ទះសម្បែង និងជីវិតរស់នៅប្រចាំថ្ងៃរបស់ពួកគេ ត្រូវបានបំផ្លាញស្ទើរគ្មានសល់ ក្រោយពេលដែលទឹកជំនន់បានស្រកទៅវិញ ។

ទឹកជំនន់ដែលកំពុងកើតឡើងដ៏អាក្រក់បំផុតនៅក្នុងរដ្ឋ New South Wales ប្រទេសអូស្ត្រាលី បានបណ្ដាលឲ្យប្រជាជនជាច្រើនគ្រួសាររងផលប៉ះពាល់ ក៏ដូចជាជាប់គាំងក្នុងលំនៅដ្ឋានរបស់ពួកគេជាដើម ។

គួរបញ្ជាក់ថា ផ្ទះ និងកសិដ្ឋានរាប់ពាន់កន្លែងនៅទូទាំងរដ្ឋ New South Wales និងរដ្ឋ Victoria ដែលជារដ្ឋមានប្រជាជនច្រើនជាងគេទាំងពីររបស់អូស្ត្រាលី ត្រូវបានទឹកជន់លិច ខណៈវិបត្តិទឹកជំនន់លើកទី ៤ នៅភាគខាងកើតក្នុងឆ្នាំនេះ បានអូសបន្លាយពេលជិត ១ ខែមកហើយ ៕

សូមទស្សនាវីដេអូ!