ព័ត៌មានអន្ដរជាតិ

មីយ៉ាន់ម៉ា មិនត្រូវបានអញ្ជើញឲ្យចូលរួមកិច្ចប្រជុំប្រមុខការពារជាតិ អាស៊ាន នៅ កម្ពុជា ឡើយ

បានផុស

៣ years មុន

នៅ

ថ្ងៃអង្គារ ២២ វិច្ឆិកា ២០២២

ដោយ

សារព័ត៌មានជប៉ុន NHK បានចុះផ្សាយថា រដ្ឋមន្ត្រីការពារជាតិដែលតែងតាំងដោយយោធាមីយ៉ាន់ម៉ាលោក Mya Tun Oo មិនត្រូវបានអញ្ជើញឲ្យចូលរួមក្នុងកិច្ចប្រជុំប្រមុខការពារជាតិអាស៊ាន ក៏ដូចជាកិច្ចប្រជុំពាក់ព័ន្ធជាមួយនឹងសហរដ្ឋអាមេរិក ជប៉ុន និងប្រទេសដទៃទៀត ដែលកម្ពុជាធ្វើជាម្ចាស់ផ្ទះ នោះទេ ។

កិច្ចប្រជុំនេះនឹងធ្វើឡើងនៅថ្ងៃពុធ ទី២៣ ខែវិច្ឆិកា នៅខេត្តសៀមរាប ខណៈរដ្ឋមន្ត្រីការពារជាតិអាមេរិក លោក Lloyd Austin និងសមភាគីចិន លោក Wei Fenghe ក៏នឹងចូលរួមផងដែរ ។

ទន្ទឹមនោះ ប្រភពការទូតអាស៊ានបាននិយាយថា អ្នកចូលរួមមួយចំនួនមានការស្ទាក់ស្ទើរយ៉ាងខ្លាំងក្នុងការអង្គុយជាមួយតំណាងយោធាមីយ៉ាន់ម៉ា ដោយសារតែប្រទេសនេះមានភាពចលាចល ចាប់តាំងពីរដ្ឋប្រហារកាលពីឆ្នាំមុន ហើយយោធានៅតែបន្តវាយប្រហារលើកងកម្លាំងគាំទ្រលទ្ធិប្រជាធិបតេយ្យ ។

ស្របពេលជាមួយគ្នានេះ មេដឹកនាំអាស៊ានក៏បានព្រមព្រៀងគ្នានៅក្នុងកិច្ចប្រជុំកំពូលលើកទី៤០ និងទី៤១ កាលពីដើមខែនេះ ដើម្បីពិនិត្យឡើងវិញនូវតំណាងរបស់មីយ៉ាន់ម៉ានៅគ្រប់កម្រិតនៃកិច្ចជុំរបស់ខ្លួនផងដែរ ខណៈកន្លងមកសមាជិកនៃយោធាមីយ៉ាន់ម៉ា ត្រូវបានរារាំងរួចទៅហើយពីកិច្ចប្រជុំកំពូលអាស៊ាន និងកិច្ចប្រជុំរដ្ឋមន្ត្រីការបរទេស ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ព្រះចៅស៊ុលតង់ ព្រុយណេ ទ្រង់សរសើរ កម្ពុជា បែបណាខ្លះ ក្នុងនាមជា ប្រធានអាស៊ាន