ព័ត៌មានអន្ដរជាតិ
តុលាការកំពូលថៃចេញដីកាចាប់ខ្លួនអតីតនាយករដ្ឋមន្ត្រី លោកស្រី យីងឡាក់
តុលាការកំពូលផ្នែកព្រហ្មទណ្ឌសម្រាប់អ្នកកាន់មុខតំណែងនយោបាយថៃ បានចេញដីកាចាប់ខ្លួនអតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត់ ពីបទប្រើអំណាចក្នុងការផ្ទេរតួនាទីមន្ត្រីសាធារណៈ អតីតលេខាធិការក្រុមប្រឹក្សាសន្តិសុខជាតិម្នាក់ បន្ទាប់ពីតុលាការបានកំណត់ពេលសវនាការលើកដំបូងដើម្បីផ្តល់សក្ខីកម្ម ប៉ុន្តែត្រូវបានលោកស្រីគេចវេសមិនមកបង្ហាញខ្លួននៅតុលាការតាមការកំណត់។

នៅថ្ងៃទី២១ ខែវិច្ឆិកា ឆ្នាំ២០២២ តុលាការកំពូលផ្នែកព្រហ្មទណ្ឌសម្រាប់អ្នកកាន់មុខតំណែងនយោបាយ បានកំណត់ពេលបើកសវនាការលើកដំបូង ដើម្បីពិនិត្យលើសក្ខីកម្មរបស់ចុងចោទ គឺលោកស្រី យីងឡាក់ ស៊ីណាវ៉ាត់ អតីតនាយករដ្ឋមន្ត្រី ជាប់ចោទក្នុងបទឧក្រិដ្ឋក្រោមហេតុផលថា មន្ត្រីអនុវត្តន៍ច្បាប់ធ្វេសប្រហែសក្នុងការបំពេញតួនាទី បង្កការខូចខាតដល់នរណាម្នាក់ និងបំពេញតួនាទីដោយមិនត្រឹមត្រូវតាមមាត្រា ១៥៧នៃក្រមព្រហ្មទណ្ឌ។
ពាក់ព័ន្ធករណីនេះ គឺកាលពីខែកញ្ញា ឆ្នាំ២០១១ ក្នុងខណៈពេលដែលលោកស្រី យីងឡាក់ កំពុងកាន់តំណែងជានាយករដ្ឋមន្ត្រី និងបក្ខពួក បានប្រើអំណាចដោយមិនត្រឹមត្រូវក្នុងការផ្ទេរតួនាទីរបស់មន្ត្រីសាធារណៈម្នាក់ គឺលោក ថ្វីន ប្លៀនស៊ី (Tawil Pliensri) ពីអគ្គលេខាធិការក្រុមប្រឹក្សាសន្តិសុខជាតិនៅពេលនោះ ឱ្យទៅកាន់តំណែងជាទីប្រឹក្សានាយករដ្ឋមន្ត្រីដោយមិនត្រឹមត្រូវ ដោយអគ្គមេធាវីបានយកសំណុំរឿងនេះទៅដាក់ប្តឹងនៅតុលាការកំពូលនៅថ្ងៃទី២០ ខែកក្កដា ឆ្នាំ២០២២។ ហើយកាលពីថ្ងៃទី២១ ខែកញ្ញាកន្លងទៅ ក្រុមចៅក្រម តុលាការកំពូលបានពិចារណានិងចេញដីកាសម្រេចបិទសំណុំរឿងនេះទុកដើម្បីពិចារណាតាមច្បាប់ស្តីពីនីតិវិធីព្រហ្មទណ្ឌសម្រាប់អ្នកកាន់មុខតំណែងនយោបាយ និងបានប្រកាសកំណត់ពេលសវនាការលើកដំបូងនៅថ្ងៃនេះ (ទី២១ ខែវិច្ឆិកា ឆ្នាំ២០២២) ពោលគឺចេញដីកាចាប់ខ្លួន៕
ប្រែសម្រួល៖ គង់ សំអាន
ប្រភព៖ naewna
ចុចអាន៖ មីយ៉ាន់ម៉ា មិនត្រូវបានអញ្ជើញឲ្យចូលរួមកិច្ចប្រជុំប្រមុខការពារជាតិ អាស៊ាន នៅ កម្ពុជា ឡើយ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ