ថៃ ចាប់ខ្លួនមនុស្ស ៦៥៦នាក់ ពាក់ព័ន្ធការភ្នាល់បាល់ World Cup

ប៉ូលិសថៃ បានធ្វើប្រតិបត្តិការបង្ក្រាបការភ្នាល់បាល់ទាត់ FIFA World Cup 2022 ដែលកំពុងប្រកួតនៅប្រទេសកាតា។

ក្នុងសប្តាហ៍ដំបូងនៃព្រឹត្តិការណ៍កីឡាដ៏កក្រើកពិភពលោកនេះ, ប៉ូលិសបានចាប់ខ្លួនជនជាតិថៃចំនួន៦៥៦នាក់ពាក់ព័ន្ធការបើកទីតាំងភ្នាល់ ឬចូលរួមក្នុងកាភ្នាល់បាល់ទាត់ខុសច្បាប់ ដោយរឹបអូសបានទឹកប្រាក់ជិត ២០០ ០០០បាត។

ជំនួយការអគ្គស្នងការប៉ូលិស លោក Phanurat Lakboon បានរាយការណ៍អំពីយុទ្ធនាការរបស់នាយកដ្ឋាន ដើម្បីទប់ស្កាត់ និងបង្ក្រាបល្បែងស៊ីសងខុសច្បាប់ ក្នុងអំឡុងការប្រកួតបាល់ទាត់ពិភពលោកឆ្នាំ២០២២។

លោក Phanurat បង្ហាញថា មនុស្សចំនួន៦៥៦នាក់ ត្រូវបានចាប់ខ្លួនចាប់ពីថ្ងៃទី១៩ដល់ថ្ងៃទី២២ខែវិច្ឆិកា។ ក្នុងចំណោមអ្នកល្មើសច្បាប់, មាន៥៨៧នាក់ត្រូវបានចាប់ខ្លួនពីបទភ្នាល់បាល់តាមក្រដាស ខណៈ ​៦៩​នាក់​ផ្សេង​ទៀតជាអ្នកភ្នាល់​តាមអនឡាញ។

ត្រឹមមួយថ្ងៃអាទិត្យទី២២ខែវិច្ឆិកា ដែលជាថ្ងៃចាប់ផ្តើមការប្រកួតបាល់ទាត់ពិភពលោកនៅប្រទេសកាតា ប៉ូលិសបានចាប់ខ្លួនមនុស្សចំនួន៤១១នាក់ និងរឹបអូសបានទឹកប្រាក់ជិត ១០០ ០០០បាតពីក្រុមភ្នាល់ល្បែង។

ទឹកប្រាក់សរុប ដែលរឹបអូសបានពីការភ្នាល់បាល់ទាត់ក្នុងរយៈពេល៤ថ្ងៃកន្លងមកនេះ គឺ៩១ ០០០បាត៕

ប្រែសម្រួល៖ Vann Vann

ប្រភព៖ Thaiger

ចុចអាន៖ កីឡាករ អារ៉ាប៊ីសាអូឌីត ទទួលបានកាដូរថយន្ត Rolls Royce Phantom ម្នាក់មួយគ្រឿង ក្រោយឈ្នះអាហ្សង់ទីន