មនុស្សយ៉ាងតិច ២៧នាក់បានស្លាប់ នៅពេលការបាក់ដី បានលេបត្របាក់ផ្លូវមួយនៅភាគពាយព្យប្រទេសកូឡុំប៊ី ដោយបណ្តាលឲ្យកប់រថយន្តក្រុង និងរថយន្តផ្សេងទៀត។ នេះបើតាមការឲ្យដឹងពីលោកប្រធានាធិបតី Gustavo Petro កាលពីថ្ងៃចន្ទទី០៥ខែធ្នូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីការពារជនស៊ីវិលបាននិយាយថា រថយន្តក្រុងមួយគ្រឿងបានចេញដំណើរពីទីក្រុង Cali ជាមួយនឹងអ្នកដំណើរ២៥នាក់។

លោក Petro បានសរសេរនៅលើ Twitter ថា “វាគឺជារឿងដ៏សោកសៅ ដែលខ្ញុំសូមប្រកាសថា រហូតមកដល់ពេលនេះ មានមនុស្សចំនួន២៧នាក់ហើយ រួមទាំងអនីតិជន៣នាក់ផងដែរ ដែលបានបាត់បង់ជីវិតនៅក្នុងសោកនាដកម្មកាលពីថ្ងៃអាទិត្យ នៅក្នុងតំបន់ដាច់ស្រយាលនៃទីក្រុង Pueblo Rico”។

កាលពីល្ងាចថ្ងៃអាទិត្យ លោកប្រធានាធិបតី បានបញ្ជាក់ថា មានអ្នកស្លាប់ត្រឹម៣នាក់ប៉ុណ្ណោះ ខណៈអ្នកជួយសង្គ្រោះរាប់សិបនាក់ បានស្វែងរកអ្នកនៅរស់រានមានជីវិត។

រដូវវស្សាឆ្នាំនេះដែលចាប់ផ្តើមក្នុងខែសីហា គឺជារដូវដ៏អាក្រក់បំផុតរបស់ប្រទេសកូឡុំប៊ី មិនធ្លាប់ជួបសោះក្នុងរយៈពេល៤០ឆ្នាំ ដែលបណ្តាលឲ្យមានឧបទ្ទវហេតុសម្លាប់មនុស្សជាង ២៧០នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ បាក់ដី លេបត្របាក់ផ្ទះសម្បែង សម្លាប់មនុស្សច្រើននាក់នៅ វេណេស៊ុយអេឡា