វីដេអូស្តែងៗ បង្ហាញពីអគ្គិភ័យ និងការផ្ទុះដ៏រន្ធត់ នៅផ្សារទំនើប ក្រុងមូស្គូ

អគ្គិភ័យ បានឆាបឆេះមជ្ឈមណ្ឌលផ្សារទំនើបដ៏ធំមួយនៅតំបន់ជាយក្រុងមូស្គូ ដោយមន្ត្រីក្នុងតំបន់និយាយថា អគ្គិភ័យបានឆាបឆេះហាងលក់រាយគ្រឿងសំណង់ ហើយរាលដាលទៅដល់ហាងផ្សេងទៀត និងបំផ្លាញអគារទាំងមូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុគ្គលិកសង្គ្រោះបន្ទាន់បានឆ្លើយតបទៅនឹងសេចក្តីរាយការណ៍នៃអគ្គិភ័យ នៅផ្សារទំនើប Mega Khimki ដែលមានទីតាំងនៅជាយរដ្ឋធានីរបស់ប្រទេសរុស្ស៊ី ក្រោយម៉ោង៦ព្រឹកថ្ងៃសុក្រនេះ។

មក​ដល់​ម៉ោង​៧​និង​៣០​នាទី​ព្រឹក ភ្លើង​បាន​ឆាបឆេះ​លើ​ផ្ទៃដី​ប្រមាណ​៧.០០០​ម៉ែត្រការ៉េ។ ក្រសួងសង្គ្រោះបន្ទាន់បាននិយាយថា អ្នកឆ្លើយតបដំបូងចំនួន៣០នាក់ និងរថយន្តពន្លត់អគ្គិភ័យចំនួន៩គ្រឿង បានជួយប្រយុទ្ធនឹងការផ្ទុះឡើងនេះ។

ទោះបីជាយ៉ាងណាក៏ដោយ មិនមានរបាយការណ៍អំពីអ្នកស្លាប់ និងរបួសនោះទេ ថ្វីបើប្រព័ន្ធផ្សព្វផ្សាយក្នុងស្រុកបានឲ្យដឹងថា មានមនុស្សនៅខាងក្នុងអគារ ពេលភ្លើងកំពុងឆាបឆេះក៏ដោយ។

ខ្សែអាត់វីដេអូដ៏គួរឲ្យរន្ធត់ បានបង្ហាញពីទំហំនៃការឆាបឆេះ រួមមានទាំងការផ្ទុះផងដែរ។

លោក Denis Andreev រដ្ឋអាជ្ញាប្រចាំតំបន់ Khimki បានទៅដល់កន្លែងកើតហេតុដើម្បីសង្កេតមើល ខណៈការិយាល័យរដ្ឋអាជ្ញាសម្រាប់តំបន់មូស្គូ បាននិយាយថា ខ្លួននឹងបើកការស៊ើបអង្កេតលើឧប្បត្តិហេតុនេះ និងរកឲ្យឃើញពីមូលហេតុ។

ភ្លាមៗនេះ គេមិនច្បាស់ទេថា តើអគ្គិភ័យចាប់ផ្តើមដោយរបៀបណា ប៉ុន្តែក្រុមមន្ត្រីបានបញ្ជាក់ថា វាបានផ្ទុះឡើងជាលើកដំបូងនៅក្នុងហាង OBI៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖​ អគ្គិភ័យឆាបឆេះមួយចម្អិនកំពឹស នៅសាលាបង្រៀនកែសម្ផស្ស ក្នុងសង្កាត់និរោធ​