ព័ត៌មានអន្ដរជាតិ
បែកធ្លាយវីដេអូលោក បៃដិន និយាយថា កិច្ចព្រមព្រៀងនុយក្លេអ៊ែរជាមួយ អ៊ីរ៉ង់ “ស្លាប់” ហើយ
បែកធ្លាយវីដេអូមួយបានបង្ហាញពីលោកប្រធានាធិបតីអាមេរិក ចូ បៃដិន ប្រកាសថា កិច្ចព្រមព្រៀងនុយក្លេអ៊ែរឆ្នាំ ២០១៥ ជាមួយអ៊ីរ៉ង់ ដែលត្រូវបានគេស្គាល់ជាអន្តរជាតិថា ផែនការសកម្មភាពទូលំទូលាយរួម (JCPOA) បាន “ស្លាប់” ហើយ ទោះបីជាការចរចានៅតែបន្តក៏ដោយ ។
ប្រធានាធិបតីអាមេរិកបានធ្វើអត្ថាធិប្បាយបែបនេះទៅកាន់ជនអន្តោប្រវេសន៍អ៊ីរ៉ង់នៅឯការប្រមូលផ្តុំគ្នាធ្វើយុទ្ធនាការជាមួយសមាជិកសភាមកពីគណបក្សប្រជាធិបតេយ្យលោក Mike Levin នៅទីក្រុង Oceanside រដ្ឋកាលីហ្វ័រញ៉ា កាលពីថ្ងៃទី ៤ ខែវិច្ឆិកា នៅពេលដែលការតវ៉ាដោយហិង្សាកំពុងផ្ទុះឡើងនៅក្នុងប្រទេសអ៊ីរ៉ង់ បន្ទាប់ពីមានការគាំទ្រពីទីក្រុងវ៉ាស៊ីនតោន ។
ជនអន្តោប្រវេសន៍អ៊ីរ៉ង់ជាស្ត្រីម្នាក់បានសួរលោក បៃដិន ថា “តើលោកប្រធានាធិបតីអាចប្រកាសបានទេថា កិច្ចព្រមព្រៀងនុយក្លេអ៊ែរ JCPOA បានស្លាប់មែននោះ? តើលោកអាចប្រកាសបានដែរឬទេ?” លោក បៃដិន បានឆ្លើយភ្លាមៗថា “ទេ ខ្ញុំមិនអាចប្រកាសបានទេ” ខណៈស្ត្រីរូបនោះបន្តសួរថា “ហេតុអ្វីបានជាមិនអាច?” ។
លោក បៃដិន បានប្រាប់ស្រ្តីរូបនោះថា “មានហេតុផលជាច្រើនដែលយើងនឹងមិនអាចប្រកាសវា ។ វាមានរឿងវែងឆ្ងាយណាស់ ប៉ុន្តែកិច្ចព្រមព្រៀងនេះបានស្លាប់ហើយ” ។
រដ្ឋបាលលោក បៃដិន បានចាប់ផ្តើមកិច្ចពិភាក្សាជាមួយប្រទេសអ៊ីរ៉ង់កាលពីឆ្នាំមុន ស្តីពីការវិលត្រឡប់ទៅកាន់កិច្ចព្រមព្រៀងនេះ បន្ទាប់ពីប្រធានាធិបតីមុនគឺលោក ដូណាល់ ត្រាំ បានដកខ្លួនចេញ ។
ទន្ទឹនោះ កិច្ចពិភាក្សារវាងសហភាពអឺរ៉ុប (EU) និងអ៊ីរ៉ង់ ស្តីពីការស្តារឡើងវិញនូវកិច្ចចរចានេះ នៅតែកំពុងបន្តនៅក្នុងរដ្ឋធានីវីយែន ប្រទេសអូទ្រីស ទោះបីជាគណៈប្រតិភូអាមេរិកមិនបានចូលរួមដោយផ្ទាល់ ចាប់តាំងពីខែសីហាក៏ដោយ ។
គួរបញ្ជាក់ថា កិច្ចព្រមព្រៀងអាវុធនុយក្លេអ៊ែរឆ្នាំ ២០១៥ (JCPOA) រវាងអ៊ីរ៉ង់ អាមេរិក អង់គ្លេស បារាំង អាល្លឺម៉ង់ រុស្ស៊ី ចិន និងសហភាពអឺរ៉ុប ត្រូវបានចុះហត្ថលេខា នៅពេលដែលលោក បៃដិន ធ្វើជាអនុប្រធានាធិបតីក្នុងអាណត្តិរបស់លោក បារ៉ាក់ អូបាម៉ា ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អាមេរិក បញ្ជូនយន្តហោះចម្បាំងបំបាំងកាយទៅ កូរ៉េខាងត្បូង ក្រោយប្អូនស្រីលោក គីម ជុងអ៊ុន គំរាម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង