ព័ត៌មានអន្ដរជាតិ
រុស្ស៊ី ក្តៅស្លឹកត្រចៀក ចំពោះដំណើរទស្សនកិច្ចរបស់លោក Zelensky ទៅ វ៉ាស៊ីនតោន (មានវីដេអូ)
ប្រទេសរុស្ស៊ី បានរិះគន់យ៉ាងខ្លាំងចំពោះដំណើរទស្សនកិច្ចរបស់លោក Volodymyr Zelensky ទៅក្រុងវ៉ាស៊ីនតោន ដោយចោទអាមេរិកថា កំពុងប្រយុទ្ធនឹងសង្រ្គាមដោយប្រយោល។
ស្របពេលជាមួយគ្នានោះដែរ ប្រធានាធិបតីអាមេរិកលោក Joe Biden បានសន្យាផ្តល់ជំនួយយោធាក្នុងទំហំទឹកប្រាក់ ១.៨៥ពានលាន់ដុល្លារទៅឲ្យអ៊ុយក្រែនអ៊ុយក្រែន រួមទាំងប្រព័ន្ធមីស៊ីលកម្រិតខ្ពស់ ដើម្បីជួយការពារប្រឆាំងនឹងការវាយប្រហាររបស់រុស្ស៊ី ផងដែរ។
ក្នុងសុន្ទរកថាទៅកាន់សមាជិកសភាអាមេរិក លោក Zelensky បានស្វាគមន៍ជំនួយនេះ។ ប៉ុន្តែឯកអគ្គរដ្ឋទូតរុស្ស៊ី ប្រចាំសហរដ្ឋអាមេរិក បាននិយាយថា “សកម្មភាពបង្កហេតុ” ទាំងនេះ នឹងនាំឲ្យមានការកើនឡើងភាពតានតឹងជាមួយផលវិបាកធ្ងន់ធ្ងរ។
លោក Anatoly Antonov បានប្រាប់ប្រព័ន្ធផ្សព្វផ្សាយរដ្ឋរុស្ស៊ីថា ទីក្រុងមូស្គូកំពុងព្យាយាមអំពាវនាវឲ្យមានសុភវិនិច្ឆ័យនៅគ្រប់កម្រិតទាំងអស់ ប៉ុន្តែការនិយាយអំពីការផ្តល់ប្រព័ន្ធមីស៊ីល Patriot ដល់ទីក្រុង កៀវ គឺ ពិតជារំខានខ្លាំងណាស់។
មីស៊ីល Patriot មានសមត្ថភាព ប្រសិទ្ធភាព និងមានតម្លៃថ្លៃ។ សេតវិមាននិយាយថា ពួកគេនឹងជួយការពារជនជាតិអ៊ុយក្រែនប្រឆាំងនឹង ការវាយប្រហារដ៏ព្រៃផ្សៃរបស់រុស្ស៊ីលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន។
ទោះបីជាយ៉ាងណាក៏ដោយ ទីក្រុងមូស្គូបានត្អូញត្អែរថា គ្មានការអំពាវនាវរកសន្តិភាពណាមួយនោះទេ ក្នុងអំឡុងពេលដំណើរទស្សនកិច្ចរបស់ប្រធានាធិបតី Zelensky ទៅកាន់ទីក្រុងវ៉ាស៊ីនតោន ខណៈអ្នកនាំពាក្យវិមានក្រឹមឡាំងលោក Dmitry Peskov ពណ៌នាថា នេះជាព័ស្តុតាងដែលបង្ហាញថា សហរដ្ឋអាមេរិកកំពុងធ្វើសង្គ្រាមប្រូកស៊ីជាមួយរុស្ស៊ី។
លោក Peskov បន្ថែមថា ការផ្តល់មីស៊ីល Patriot នឹងមិនរារាំងរុស្ស៊ីពីការសម្រេចបាននូវគោលដៅរបស់ខ្លួន ក្នុងអំឡុងពេលប្រតិបត្តិការយោធាពិសេសឡើយ។
ចំណែកអ្នកនាំពាក្យក្រសួងការបរទេសរុស្ស៊ីលោកស្រី Maria Zakharova ក៏បាននិយាយដែរថា “កិច្ចពិភាក្សានៅទីក្រុងវ៉ាស៊ីនតោនបានបង្ហាញថា ទាំងអ៊ុយក្រែន និងសហរដ្ឋអាមេរិក មិនមែនកំពុងស្វែងរកសន្តិភាពនោះទេ។ ពួកគេគ្រាន់តែមានបំណងបន្តការប្រយុទ្ធគ្នាប៉ុណ្ណោះ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២១ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ