ព័ត៌មានអន្ដរជាតិ

លោកយាយ ចំណាស់ជាងគេបំផុតលើលោក ទទួលមរណភាពហើយ

បានផុស

៣ years មុន

នៅ

ថ្ងៃពុធ ១៨ មករា ២០២៣

ដោយ

លោកយាយ Lucile Randon ដែលជាដូនជីជនជាតិបារាំង និងជាបុគ្គលដែលមានវ័យចំណាស់ជាងគេលើពិភពលោក ក្នុងសៀវភៅកំណត់ត្រាពិភពលោក Guinness បានទទួលមរណភាពហើយក្នុងវ័យ ១១៨ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកយាយ Randon ត្រូវបានគេស្គាល់ថា ជា Sister Andre កើតនៅឆ្នាំ ១៩០៤ ហើយលោកយាយត្រូវបាទទួលស្គាល់ថាជាមនុស្សដែលមានវ័យចំណាស់បំផុតនៅក្នុងកំណត់ត្រាពិភពលោក Guinness កាលពីខែមេសា ឆ្នាំ ២០២២ បន្ទាប់ពីលោកយាយ Kane Tanaka ជនជាតិជប៉ុនបានស្លាប់ក្នុងអាយុ ១១៩ ឆ្នាំ ។

ដំបូងឡើយ លោកយាយ Randon គឺកាន់សាសនាគ្រិស្តនិកាយប្រូតេស្តង់ ប៉ុន្តែនៅអាយុ ២៦ ឆ្នាំ លោកយាយបានប្តូរទៅកាន់និកាយកាតូលិកវិញ ខណៈក្រោយមកលោកយាយបានចូលរួមជាមួយអង្គការ Daughters of Charity ហើយក្លាយជាដូនជីនៅអាយុ ៤១ ឆ្នាំ ។

ទន្ទឹមនោះ លោកយាយ Randon ក៏បានរួចផុតពីការផ្ទុះឆ្លងកូវីដក្នុងឆ្នាំ ២០២១ កន្លងទៅផងដែរ ទោះបីជាគាត់មានអាយុចាស់ក៏ដោយ ដោយខណៈពេលនោះ លោកយាយបានបដិសេធមិនផ្ដល់សំណាក់ធ្វើតេស្តណាមួយឡើយ ៕

គួរបញ្ជាក់ថា ឯតទគ្គកម្មសម្រាប់មនុស្សចាស់បំផុតនោះគឺជាលោកយាយ Jeanne Calment ជាអ្នករស់នៅភាគខាងត្បូងប្រទេសបារាំង ដែលបានស្លាប់ក្នុងវ័យ ១២២ ឆ្នាំ កាលពីឆ្នាំ ១៩៩៧ ៕