អ៊ុយក្រែន ព្រមានថា រុស្ស៊ី ប្រមូលផ្តុំកងទ័ព ៥០ម៉ឺននាក់រួចហើយ សម្រាប់វាយប្រហារ នៅថ្ងៃខួបនៃការលុកលុយ (មានវីដេអូ)

រដ្ឋមន្ត្រីការពារជាតិអ៊ុយក្រែនបាននិយាយថា ប្រទេសរុស្ស៊ី កំពុងរៀបចំការវាយលុកថ្មីដ៏សំខាន់មួយ ហើយព្រមានថា សកម្មភាពអាចចាប់ផ្តើមភ្លាមៗនៅថ្ងៃទី២៤ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Oleksii Reznikov បាននិយាយនៅថ្ងៃព្រហស្បតិ៍ទី០២ខែកុម្ភៈថា ទីក្រុងមូស្គូបានប្រមូលផ្តុំកងទ័ពរាប់ម៉ឺននាក់រួចទៅហើយ ហើយអាចសាកល្បងអ្វីមួយដើម្បី អបអរខួបនៃការលុកលុយដំបូងកាលពីឆ្នាំមុន។ 

ការវាយប្រហារ​ ​ក៏​នឹងសម្គាល់​ទិវា​អ្នកការពារ​​មាតុភូមិ​​រុស្ស៊ី​ផងដែរ ​នៅ​ថ្ងៃទី២៣ខែកុម្ភៈ។

លោក Reznikov និយាយថា ទីក្រុងមូស្គូ បានចល័តកងទ័ពប្រហែល ៥០០ ០០០នាក់សម្រាប់ការវាយលុកនេះ។

កាលពីខែកញ្ញា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសអំពីការចល័តទ័ពទូទៅប្រមាណ ៣០០ ០០០ នាក់ ដែលលោកនិយាយថា ជាការចាំបាច់ ដើម្បីធានាបាននូវបូរណភាពទឹកដីរបស់ប្រទេស។

ប៉ុន្តែលោក Reznikov លើកឡើងថា តួរលេខពិតប្រាកដនៃកងទ័ពដែលត្រូវបានជ្រើសរើស និងដាក់ពង្រាយនៅអ៊ុយក្រែន អាចខ្ពស់ជាងនេះឆ្ងាយណាស់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក ពូទីន ណែនាំឲ្យរុស្ស៊ី ចុះហត្ថលេខាលើកិច្ចព្រមព្រៀងយោធា ជាមួយសម្ព័ន្ធមិត្តដែកថែប