គ្រាន់តែបិទគណនីរបស់ Trump, Twitter ខាតលុយអស់៥ពាន់លានដុល្លារ

តម្លៃភាគហ៊ុនរបស់ក្រុមហ៊ុន Twitter បានធ្លាក់ចុះ១២,៣ភាគរយកាលពីថ្ងៃចន្ទ ក្រោយពេលប្រធានាធិបតីអាមេរិក លោក Donald Trump ត្រូវបានហាមឃាត់ជាអចិន្ត្រៃយ៍ពីវេទិកានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមានតម្លៃជិត៥១.៤៨ដុល្លារក្នុងមួយហ៊ុនកាលពីថ្ងៃសុក្រ សេវាបណ្តាញសង្គមដែលមានមូលដ្ឋាននៅសហរដ្ឋអាមេរិកមួយនេះ បានមើលឃើញថា តម្លៃភាគហ៊ុនរបស់ខ្លួនបានធ្លាក់ចុះទាបដល់ ៤៧.១៦ដុល្លារក្នុងមួយហ៊ុនកាលពីថ្ងៃចន្ទ បន្ទាប់មកបានធ្លាក់ចុះដល់៤៥.១៥ដុល្លារក្នុងមួយភាគហ៊ុននៅម៉ោង៩និង៣០នាទីព្រឹក នៅ East Coast។

ការធ្លាក់ចុះនេះបានធ្វើឲ្យខាតបង់ប្រាក់ប្រមាណ​ ៥ពាន់លានដុល្លារពីមូលធននីយកម្មទីផ្សាររបស់ Twitter មុនពេលតម្លៃភាគហ៊ុនបានងើបឡើងវិញដល់ ៤៩ដុល្លារក្នុងមួយហ៊ុននៅម៉ោងប្រហែល១២:២០នាទី។

ការធ្លាក់ចុះភ្លាមៗនេះបានកើតឡើងនៅថ្ងៃធ្វើពាណិជ្ជកម្មលើកដំបូង បន្ទាប់ពី Twitter បានហាមឃាត់ជាអចិន្ត្រៃយ៍នូវគណនីរបស់លោក Trump ដែលមានអ្នក Follow ប្រហែល៨៩លាននាក់កាលពីថ្ងៃសុក្រ។

យោងតាមអ្នកវិភាគមួយចំនួនបានឲ្យដឹងថា ការហាមឃាត់នេះអាចបង្កឲ្យមានកំហឹងពីអ្នកគាំទ្រលោក Trump នៅលើបណ្តាញសង្គម Twitter ដោយក្រុមហ៊ុនត្រូវជួបហានិភ័យនៃការបាត់បង់ចំនួនអ្នកប្រើប្រាស់ និងចោទជាសំណួរអំពីបទប្បញ្ញត្តិ៕

ប្រែសម្រួលដោយ៖ Vann Vann

ប្រភព៖ Anadolu

ចុចអាន៖ ជនជាតិអាមេរិកជាងកន្លះលាននាក់ងាកទៅប្រើ Telegram ក្រោយបណ្ដាញសង្គមធំៗបិទគណនីលោក Trump