Connect with us

ព័ត៌មានអន្ដរជាតិ

តួកគី ចាប់ខ្លួនអ្នកម៉ៅការសំណង់ជាង ១០០ នាក់ បន្ទាប់ពីគ្រោះរញ្ជួយដី (មានវីដេអូ)

បានផុស

នៅ

មន្ត្រីតួកគីបានចាប់ខ្លួន ឬចេញដីកាចាប់ខ្លួន ចំពោះអ្នកជាប់ពាក់ព័ន្ធក្នុងការសាងសង់អគារដែលបាក់រលំ និងសង្កត់ម្ចាស់កម្មសិទ្ធិក្នុងគ្រោះរញ្ជួយដីសម្លាប់មនុស្សកាលពីសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សប្រហែល១៣០នាក់ត្រូវបានចោទប្រកាន់ថា ជាប់ពាក់ព័ន្ធក្នុងការសាងសង់អគារដែលដួលរលំ អំឡុងគ្រោះរញ្ជួយដីដ៏សាហាវនៅក្នុងប្រទេសតួកគី។

ថ្វីបើតាមច្បាប់ ប្រទេសនេះ តម្រូវឲ្យមេការសំណាង់​ត្រូវបំពេញតាមស្តង់ដារវិស្វកម្មរញ្ជួយដីមុនពេលសាងសង់អគារក៏ដោយ ប៉ុន្តែលក្ខខណ្ឌនេះកម្រនឹងត្រូវបានអនុវត្តណាស់។

កាលពីថ្ងៃអាទិត្យ លោកអនុប្រធានាធិបតី Fuat Oktay និយាយថា ដីកាត្រូវបានចេញ សម្រាប់ការឃុំខ្លួនមនុស្សចំនួន១៣១នាក់ ដែលសង្ស័យថាជាអ្នកទទួលខុសត្រូវចំពោះការដួលរលំអគារ។

ស្របពេលជាមួយគ្នានោះដែរ រដ្ឋមន្ត្រីក្រសួងយុត្តិធម៌បានប្តេជ្ញាថា នឹងផ្តន្ទាទោសជនទាំងឡាយណាដែលទទួលខុសត្រូវ ហើយរដ្ឋអាជ្ញាបានចាប់ផ្តើមប្រមូលសំណាកអគារ សម្រាប់យកធ្វើជាព័ស្តុតាងលើសម្ភារប្រើប្រាស់ក្នុងសំណង់។

យោងតាមទីភ្នាក់ងារសារព័ត៌មានរដ្ឋ Anadolu, អាជ្ញាធរនៅក្នុងខេត្ត Gaziantep ក៏បានចាប់ខ្លួនមនុស្សពីរនាក់ផងដែរ ដែលត្រូវបានគេសង្ស័យថាបានកាត់សសរអគារ ដើម្បីឲ្យអគារនោះអាចធ្វើបន្ទប់បន្ថែមបាន។

ឥឡូវ ក្រសួងយុត្តិធម៌បានប្រកាសពីគម្រោងបង្កើតការិយាល័យស៊ើបអង្កេតឧក្រិដ្ឋកម្មរញ្ជួយដី។ ការិយាល័យនេះ នឹងកំណត់អត្តសញ្ញាណអ្នកម៉ៅការ និងអ្នកផ្សេងទៀតដែលទទួលខុសត្រូវលើការងារសាងសង់ ប្រមូលព័ស្តុតាង ណែនាំអ្នកជំនាញ ស្ថាបត្យករ ភូគព្ភវិទូ និងវិស្វករ និងពិនិត្យលិខិតអនុញ្ញាតសាងសង់ និងលិខិតអនុញ្ញាតកាន់កាប់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ ក្មេងប្រុសមហាសំណាង ត្រូវសង្គ្រោះបានពីក្រោមគំនរបាក់បែក ក្រោយជាប់ ៤ថ្ងៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

សន្តិសុខសង្គម១៥ ម៉ោង មុន

ស្ដ្រីបង្ហោះវីដេអូ ភ្ជាប់សំឡេងផ្ទុះអាវុធ ត្រូវបាននគរបាលខេត្តសៀមរាប ហៅមកសួរនាំ

សេដ្ឋកិច្ច៨ ម៉ោង មុន

មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ

សន្តិសុខសង្គម៦ ម៉ោង មុន

ជនល្មើស ស្រី ស៊ីណា ជាប់សំណុំរឿង២ អាចជាប់ពន្ធនាគារ ពី ២០ ទៅ ៣០ ឆ្នាំ

ព័ត៌មានជាតិ៩ ម៉ោង មុន

តុលាការ សន្យាចាត់វិធានការច្បាប់ដោយម៉ឺងម៉ាត់លើសំណុំរឿងឃាតកម្មបង្កឡើងដោយឈ្មោះ ស្រី ស៊ីណា

Sokha Hotels

ព័ត៌មានពេញនិយម