ក្រសួងការពារជាតិអង់គ្លេសប៉ាន់ប្រមាណថា កងទ័ពរុស្ស៊ី និងក្រុមទាហានស៊ីឈ្នួល Wagner Group ចន្លោះពី ១៧៥,០០០ នាក់ទៅ ២០ ម៉ឺននាក់បានស្លាប់ និងរងរបួស ចាប់តាំងពីផ្ទុះប្រតិបត្តិការសឹកលើអ៊ុយក្រែនមក ។

ក្រសួងបាននិយាយកាលពីពេលថ្មីៗនេះថា ចំនួននេះរួមបញ្ចូលទាំងអ្នកស្លាប់ប្រហែល ៤ ម៉ឺនទៅ ៦ ម៉ឺននាក់ ខណៈអត្រាស្លាប់របស់រុស្ស៊ីបានកើនឡើងយ៉ាងខ្លាំង ក្នុងអំឡុងខែកញ្ញា ឆ្នាំ ២០២២ នៅពេលដែលការប្រកាសកែនទ័ពផ្នែកខ្លះនៃប្រទេស ។

ទន្ទឹមនោះ ការប៉ាន់ប្រមាណរបស់ក្រសួងការពារជាតិអង់គ្លេសបានកើតឡើងតែប៉ុន្មានថ្ងៃប៉ុណ្ណោះ បន្ទាប់ពីរដ្ឋាភិបាលទីក្រុងកៀវក៏បានបញ្ចេញទិន្នន័យពីអត្រាស្លាប់របស់ទាហានរុស្ស៊ីផងដែរ ។

ទិន្នន័យក្រសួងការពារជាតិអ៊ុយក្រែនបង្ហាញថា ទាហានរុស្ស៊ីក្នុងប្រតិបត្តិការសឹកនៅអ៊ុយក្រែនបានស្លាប់ក្នុងចំនួនច្រើនជាងពេលណាៗទាំងអស់ ចាប់តាំងពីផ្ទុះការលុកលុយក្នុងសប្ដាហ៍ដំបូង ។

ក្នុងសប្ដាហ៍ដំបូងនៃប្រតិបត្តិសឹក ទាហានរុស្ស៊ីជាមធ្យម ១,១៤០ នាក់ត្រូវបានសម្លាប់ជារៀងរាល់ថ្ងៃ ប៉ុន្តែទោះជាយ៉ាងណាក៏ដោយ តួលេខនេះមិនអាចផ្ទៀងផ្ទាត់ជាផ្លូវការបាននៅឡើយទេ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ៊ុយក្រែន អះអាងថា រុស្ស៊ី ទើបតែប្រើមីស៊ីលជំនាន់ឆ្នាំ ៦០ ប៉ុណ្ណោះ