កាសែត Wall street អាមេរិក​ចុះផ្សាយកាលពីថ្ងៃសុក្រថា ប្រាក់ចំណូលរបស់ Twitter និងប្រាក់ចំណូលដែលបានកែតម្រូវក្នុងខែធ្នូឆ្នាំ ២០២២ បានថយចុះប្រហែល ៤០ភាគរយ បើប្រៀបធៀបទៅនឹងខែធ្នូឆ្នាំ ២០២១។

ការធ្លាក់ចុះចំណូលនេះ បណ្តាលមកពីហេតុផលតែមួយគត់ នោះគឺអ្នកផ្សាយពាណិជ្ជកម្មជាច្រើនបានកាត់បន្ថយការចំណាយផ្សព្វផ្សាយរបស់ពួកគេជាមួយ Twitter បន្ទាប់ពី Elon Musk គ្រប់គ្រងជាផ្លូវការ។ តាមទិន្នន័យពីក្រុមហ៊ុនស្រាវជ្រាវការផ្សាយពាណិជ្ជកម្ម – Standard Media Index បានបង្ហាញចំណូល Twitter កាលពី ខែធ្នូ ធ្លាក់ចុះអស់​ ៧១ភាគរយ។

គួរបញ្ជាក់ថា នៅថ្ងៃ ២៧ ខែតុលា លោក Musk ទិញ Twitter ក្នុងតម្លៃ ៤៤ ពាន់លានដុល្លារ ហើយលោកបានធ្វើការផ្លាស់ប្តូរប្រតិបត្តិការប្រចាំថ្ងៃរបស់ក្រុមហ៊ុន រួមទាំងបញ្ឈប់នាយកប្រតិបត្តិ Twitter និងកាត់បន្ថយបុគ្គលិកអស់ជាច្រើននាក់។ ជាពិសេស លោកបានកែប្រែថ្មីដោយតម្រូវឱ្យអ្នកប្រើប្រាស់ បង់លុយប្រចាំខែដើម្បីទទួលបាន Blue Tick៕

ប្រែសម្រួលដោយ៖ នាង រតនៈ

ប្រភព៖ The Hindu

ចុចអាន៖ មតិភាគច្រើនបោះឆ្នោតឲ្យ Elon Musk ចុះចេញពីតំណែង Twitter