ព័ត៌មានអន្ដរជាតិ
ការសិក្សារកឃើញថា សត្វកណ្តុររាប់លានក្បាល នៅទីក្រុងញូវយ៉ក អាចមានជំងឺកូវីដ១៩
សត្វកណ្ដុរដែលចូលទៅក្នុងទីក្រុងញូវយ៉ក គឺងាយនឹងឆ្លងមេរោគ SARS-CoV-2 ដែលជាភ្នាក់ងារបង្កជំងឺកូវីដ១៩។ នេះបើតាមការរកឃើញរបស់អ្នកស្រាវជ្រាវនៅសាកលវិទ្យាល័យ Missouri បន្ទាប់ពីការវិភាគសត្វកណ្តុរ ដែលចាប់បាននៅទីតាំងផ្សេងៗក្បែរលូ ក្នុងទីក្រុងនេះ អំឡុងពេលបីខែដំបូងនៃឆ្នាំ២០២១។
លទ្ធផលនៃការសិក្សារបស់ពួកគេ ដែលចេញផ្សាយកាលពីថ្ងៃព្រហស្បតិ៍ទី០៩ខែមីនាឆ្នាំ២០២៣ នៅក្នុងទស្សនាវដ្តី mBio បានបង្ហាញថា សត្វកណ្តុរចំនួន១៣ក្បាល ក្នុងចំណោម៧៩ក្បាល ពោលគឺស្មើនឹង១៦,៥% បានធ្វើតេស្តវិជ្ជមានកូវីដ១៩។ ដូចនេះបើគណនាទៅ ក្នុងចំណោមសត្វ៨លានក្បាលរបស់ទីក្រុងនេះ គឺមានសត្វកណ្តុរចំនួន១.៣លានក្បាល ដែលឆ្លងមេរោគនេះ។
អ្នកស្រាវជ្រាវបានរកឃើញថា សត្វកណ្តុរមិនត្រឹមតែអាចឆ្លងវីរុសបំប្លែងខ្លួន Alpha, Delta និង Omicron ប៉ុណ្ណោះទេ ប៉ុន្តែពេលដែលវីរុសនេះចូលក្នុងខ្លួនសត្វកណ្តុរ សត្វទាំងនោះថែមទាំងអាចបង្កឲ្យមានវីរុសបំប្លែងខ្លួនថ្មីៗទៀតផង ហើយរឿងនេះ ត្រូវបានក្រុមអ្នកស្រាវជ្រាវនិយាយថា អាចនាំឲ្យមានការកកើតមេរោគនាពេលអនាគតដែលធ្លាយចេញ និងឆ្លងទៅមនុស្ស។
អ្នកស៊ើបអង្កេតសំខាន់លោក Henry Wan បានពន្យល់នៅក្នុងសេចក្តីប្រកាសព័ត៌មាន ដែលភ្ជាប់ក្នុងទស្សនាវដ្តីខាងលើថា ការរកឃើញនេះបានគូសបញ្ជាក់អំពីតម្រូវការសម្រាប់ការត្រួតពិនិត្យបន្ថែមទៀតនៃវីរុស SARS-CoV-2 នៅក្នុងសត្វកណ្តុរដែលអាចចម្លងរោគដល់មនុស្ស។
ដំបូងឡើយ ជំងឺរាតត្បាតកូវីដ១៩ ត្រូវបានស្តីបន្ទោសលើការចម្លងរោគពីសត្វប្រចៀវដល់មនុស្សនៅទីផ្សារសើមក្នុងទីក្រុង អ៊ូហាន ប្រទេសចិន។ ទោះបីជាយ៉ាងណាក៏ដោយ ព័ស្តុតាងជាបន្តបន្ទាប់បានចង្អុលបង្ហាញថា មេរោគនេះបានរីករាលដាលនៅក្នុងតំបន់ផ្សេងទៀតនៃប្រទេសចិននៅដើមខែតុលាឆ្នាំ២០១៩ ពោលគឺមុនពេលដែលករណីដំបូងនៅទីក្រុងអ៊ូហាន ត្រូវបានគេរកឃើញទៅទៀត ហើយអ្នកស្រាវជ្រាវជឿថា ករណីមួយចំនួនក៏បានកើតឡើងនៅអឺរ៉ុប និងសហរដ្ឋអាមេរិកផងដែរ នៅចុងឆ្នាំ២០១៩៕
ប្រែសម្រួល៖ Vann Vann
ប្រភព៖ RT
ចុចអាន៖ ចិន ជំរុញឲ្យ WHO ទៅស៊ើបរកប្រភពដើម កូវីដ នៅ អាមេរិក វិញម្តង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ