កាលពីថ្ងៃទី២០ខែកុម្ភៈ ប្រធានាធិបតីអាមេរិកលោក Joe Biden បានធ្វើទស្សនកិច្ចដោយមិនប្រកាសជាមុនទៅកាន់ទីក្រុងកៀវ ដើម្បីជួបពិភាក្សាជាមួយប្រធានាធិបតីអ៊ុយក្រែនលោក Volodymyr Zelensky និងជជែកគ្នាអំពីការផ្គត់ផ្គង់អាវុធរបស់សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរ​ទស្សនកិច្ច​របស់​ប្រធានាធិបតី​អាមេរិក Joe Biden ទៅទីនោះ បាន​ធ្វើ​ឲ្យ​អ្នក​បង់​ពន្ធ​អ៊ុយក្រែនត្រូវចំណាយ​ជាង ១.៦លាន​ដុល្លារ​ ថ្វីបើប្រាក់​ខែ​ជា​មធ្យម​ក្នុង​ប្រទេស​អ៊ុយក្រែន ​គឺ​ប្រហែល៤០០ដុល្លារក៏ដោយ។

ថវិកានេះ ត្រូវបានបម្រុងទុកសម្រាប់ការការពារប្រធានាធិបតីសហរដ្ឋអាមេរិក ការរៀបចំដំណើរនៅទីក្រុងកៀវ និងការរៀបចំពិធីជប់លៀង។

ថ្លៃចំណាយដាច់ដោយឡែកមួយទៀតគឺ សម្រាប់ការរៀបចំក្រុមជនស៊ីវិល ដើម្បីច្រៀងអបអរមិត្តភាពរវាងសហរដ្ឋអាមេរិក និងអ៊ុយក្រែន។

គួរបញ្ជាក់ថា លោក Biden បានទៅដល់ទីក្រុងកៀវ នៅថ្ងៃទី២០ខែកុម្ភៈ។ បន្ទាប់ពីដំណើរទស្សនកិច្ចនេះ លោក Biden បានប្រកាសកញ្ចប់ជំនួយថ្មីក្នុងទំហំទឹកប្រាក់៥០០លានដុល្លារដល់អ៊ុយក្រែន ដោយក្នុងនោះមានទាំងប្រព័ន្ធ HIMARS MLRS ផងដែរ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អាមេរិក ប្រកាសបង្កើនការចំណាយយោធា ធំបំផុតក្នុងប្រវត្តិសាស្រ្ត