ព័ត៌មានអន្ដរជាតិ
មានតែប្រទេសអាស៊ាន ៣ ប៉ុណ្ណោះដែលអាចមើលឃើញព្រឹត្តិការណ៍ “សូរ្យគ្រាសកូនកាត់” ដ៏កម្រ (មានវីដេអូ)
មានតែប្រទេសនៅតំបន់អាស៊ីអាគ្នេយ៍ (អាស៊ាន) ចំនួន ៣ ប៉ុណ្ណោះ អាចមើលឃើញព្រឹត្តិការណ៍ “សូរ្យគ្រាសកូនកាត់” ដ៏កម្រ ដែលបានកើតឡើងនៅថ្ងៃព្រហស្បតិ៍ ទី២០ ខែមេសានេះ ។
ប្រទេសទាំង ៣ ដែលអាចមើលឃើញព្រឹត្តិការណ៍តារាសាស្ត្រកើតឡើងម្ដងក្នុងមួយទសវត្សរ៍នោះរួមមាន ប្រទេសហ្វីលីពីន ឥណ្ឌូណេស៊ី និងទីម័រខាងកើត ។
យោងតាមការចុះផ្សាយរបស់គេហទំព័រ Space បានឲ្យដឹងថា ក្នុងអំឡុងពេលនៃព្រឹត្តិការណ៍សូរ្យគ្រាសដ៏កម្រនេះ ប្រទេសទីម័រខាងកើតនឹងមើលឃើញព្រះអាទិត្យត្រូវព្រះចន្ទបាំងស្ទើរទាំងស្រុង ឬទាំងស្រុងតែម្ដងរយៈពេល ១ នាទី និង ១៤ វិនាទី ខណៈឥណ្ឌូណេស៊ីមើលឃើញរយៈពេល ១ នាទី និង ៩ វិនាទី ។
យោងតាម Royal Observatory បានឲ្យដឹងថា ព្រឹត្តិការណ៍ដ៏កម្រនេះ នឹងអាចមើលឃើញពីផ្នែកខ្លះនៃតំបន់អេក្វាទ័រ និងអឌ្ឍគោលខាងត្បូង រួមទាំងអូស្ត្រាលីខាងលិចផងដែរ ខណៈនៅតំបន់អាស៊ីអាគ្នេយ៍ នឹងកើតមានឡើងនៅម៉ោងប្រហែល ១១ និង ៣០ នាទីព្រឹកនេះ ។
គួរបញ្ជាក់ថា ព្រឹត្តិការណ៍សូរ្យគ្រាសកូនកាត់ដ៏កម្រនេះបានចាប់ផ្ដើមដំបូងនៅអូស្ត្រាលីខាងលិចកាលពីវេលាម៉ោង ១ និង ៣៤ នាទីយប់ ហើយនឹងបញ្ចប់នៅម៉ោង ១ និង ៥៩ នាទីថ្ងៃត្រង់ (ម៉ោងនៅកម្ពុជា) នៅថ្ងៃទី២០ ខែមេសានេះ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ បាតុភូត “សូរ្យគ្រាសកូនកាត់” ដ៏កម្រ នឹងកើតឡើងនៅចុងសប្តាហ៍នេះ
-
ចរាចរណ៍៥ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៤ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៥ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៣ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៤ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
សន្តិសុខសង្គម៤ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៤ ថ្ងៃ ago
ថៃ ខឹងចិត្ត ក្រោយម្ហូបរបស់ខ្លួនជាប់ឈ្មោះលេខ ១ ជាអាហារអន់បំផុតលើលោក
-
ព័ត៌មានជាតិ៥ ថ្ងៃ ago
រយៈពេល៣ថ្ងៃសង្ក្រាន្តបាត់ដំបងទទួលបានភ្ញៀវទេសចរជាង១លាននាក់